Сенат ЗША заблакаваў продаж «Хаймарсаў» для Венгрыі за супрацьдзенне ўступленню Швецыі ў НАТА
Галоўны рэспубліканец у Камітэце па міжнародных адносінах Сената ЗША Джэймс Рыш заблакаваў продаж амерыканскай зброі Венгрыі на суму 735 мільёнаў даляраў у пакаранне за тое, што яна не ўхваляе заяўку Швецыі ў НАТА.
У заяве для выдання The Washington Post Рыш сказаў, што Венгрыя павінна дазволіць Швецыі ўступіць у НАТА, калі яна хоча атрымаць пакет узбраенняў, які ўключае 24 батарэі ракетных установак «Хаймарс», а таксама больш за 100 ракет і блокаў разам з адпаведнымі часткамі і падтрымкай.
«На працягу некаторага часу я наўпрост выказваў сваю занепакоенасць венгерскаму ўраду ў сувязі з яго адмовай прасоўваць галасаванне за ўступленне Швецыі ў НАТА», — сказаў сенатар.
«Паколькі цяпер чэрвень, а гэта яшчэ не зроблена, я вырашыў, што продаж новай вайсковай тэхнікі ЗША ў Венгрыю будзе прыпынены», — дадаў Рыш.
Швецыя і Фінляндыя падалі заяўкі на сяброўства ў НАТА ў мінулым годзе, але заяўку Швецыі ўсё яшчэ не ўхвалілі Венгрыя і Турцыя, якія за сваю згоду хочуць атрымаць істотныя палітычныя саступкі.
Пасля ўчорашняй публікацыі «НН» з «Сяргеем» і «Алексам» адбыліся метамарфозы10
Пасля ўчорашняй публікацыі «НН» з «Сяргеем» і «Алексам» адбыліся метамарфозы
«Тое, што хтосьці «сядзіць за палітыку», з'яўляецца «часткай пейзажу». Беларуска, якая наведала радзіму пасля доўгага перапынку, падзялілася ўражаннямі88
Каментары