«Ён заляцеў проста ў яе акно». Гісторыя 14-гадовай Марыі з Кіева, якую забіў расійскі дрон
Марыя Траяноўская прыйшла дадому рана ў той вечар, калі расійскі дрон трапіў у яе спальню. «Ён заляцеў проста ў яе акно, проста ў яе пакой», — распавяла Бі-бі-сі яе маці Вікторыя.
Адразу пасля выбуху Вікторыя з мужам Уладзімірам убачылі, што гарыць пакой дачкі. Спрабавалі тушыць агонь, але полымя было занадта моцным.
«Яна загінула адразу. Шанцаў выратавацца ў яе не было», — кажа мама.
На месцы ложка Марыі ў яе пакоі — цяпер толькі попел і некалькі белых руж.
«Не засталося ніякіх рэчаў яе, усё згарэла. Нават на памяць ад дзіцяці нічога не засталося», — кажа яе маці Вікторыя.
Пра Марыю ўсе казалі, што яна вельмі любіла жыццё і старалася ўсё паспець. Любіла танцаваць, грала на бас-гітары, марыла навучыцца граць на саксафоне. Была вельмі актыўная і неабыякавая.
Марыя марыла стаць медыцынскім інструктарам, каб навучаць ваенных першай дапамозе.
«Я заўсёды думала, што яе чакае яркая і вялікая будучыня. І не наканавана», — кажа мама Вікторыя.
«Цяпер мы спрабуем жыць без яе. Жыццё падзялілася напалову — на «да і пасля», — дадае яна.
«Беларусы будуць ціхенька думаць сваё. А вада камень точыць, дый Лукашэнка фізічна не вечны». Глыбокі маналог былога мытніка Алеся Юркойця4
Каментары