У Польшчы затрымалі беларуса па падазрэнні ў спробе падпалу ў Гданьску
Гэта яшчэ адно затрыманне ў расследаванні дзейнасці арганізаванай злачыннай групы, якая па даручэнні замежных спецслужбаў здзяйсняла акты сабатажу.
6 лістапада супрацоўнікі Агенцтва ўнутранай бяспекі затрымалі ў Варшаве грамадзяніна Беларусі, які падазраецца ў спробе падпалу аб'екта, размешчанага ў Гданьску.
Гэта яшчэ адно затрыманне ў расследаванні дзейнасці арганізаванай злачыннай групы, якая па даручэнні замежных спецслужбаў здзяйсняла акты сабатажу, у прыватнасці падпалы.
У студзені і маі гэтага года АБВ затрымала грамадзян Польшчы, Украіны і Беларусі, адказных за падпалы аб'ектаў на тэрыторыі Гданьска, Гдыні і Марэка, якія таксама рыхтаваліся да падпалаў аб'ектаў на тэрыторыі Уроцлава.
Пракуратура выставіла затрыманаму ў Варшаве беларусу абвінавачванні ва ўдзеле ў арганізаванай злачыннай групе міжнароднага характару і здзяйсненне дыверсій і сабатажу альбо злачынстваў тэрарыстычнага характару ад імя замежнай разведкі. Мужчыну арыштавалі на тры месяцы.
Каментары