На Гродзеншчыне працаваў самагонны завод на колах. Ён курсіраваў па Белавежскай пушчы
Самагонны заводзік суправаджалі яшчэ два аўто: у адным знаходзіўся кацёл, у іншым — мука.
![](http://d3kcf2pe5t7rrb.cloudfront.net/img/w732d4webp1/photos/z_2023_04/1-h6fvj.png.webp)
У Свіслацкім раёне міліцыянты разам з інспектарамі прыродааховы затрымалі ў лесе за вырабам самагонкі дваіх мясцовых жыхароў.
Аказалася, што 29– і 37-гадовы мужчыны зрэзалі ў старога УАЗа дах і ўмантавалі ў салон самагонны апарат. У мэтах канспірацыі мабільны агрэгат курсіраваў па Белавежскай пушчы і спыняўся ў розных месцах для вырабу алкаголю.
![](http://d3kcf2pe5t7rrb.cloudfront.net/img/w732d4webp1/photos/z_2023_04/2-ewsqx.png.webp)
Канфіскавана 60 літраў гатовага прадукту, больш за шэсць тон брагі знішчана.
Каментары