Гісторыя44

З «Пагоняй» на вокладцы і штампам для замежных паездак. Якія пашпарты выдавалі раней у Беларусі

Дэмсілы плануюць у хуткім часе выпусціць новы пашпарт для беларусаў, якія не могуць вярнуцца дадому ці замовіць новы дакумент у консульстве. Інстаграм-акаўнт «Беларусь 1990-я, 2000-я» згадвае, якія пашпарты выдаваліся раней на тэрыторыі сучаснай Беларусі.

Пасля развалу СССР і здабыцця незалежнасці ў Беларусі некалькі гадоў працягвалі выдаваць савецкія пашпарты ўзору 1974 года.

Свой пашпарт у беларусаў з'явіўся толькі ў 1993 годзе. Гэта быў пашпарт сіняга колеру з афіцыйным тады гербам «Пагоня» на вокладцы. Словы «Рэспубліка Беларусь» і «Пашпарт» на ім былі напісаныя толькі на беларускай і англійскай мовах.

Пры гэтым пашпарты савецкага ўзору працягвалі выдаваць нават у 1994 годзе. Аб прыналежнасці былога грамадзяніна СССР да незалежнай Беларусі сведчыў штамп на адной са старонак з адпаведным надпісам: «Грамадзянін Рэспублікі Беларусь», выкананым на беларускай і англійскай мовах.

Пашпарты грамадзяніна РБ узору 1993 года выдавалі да 1996-га. Новы пашпарт захаваў ранейшы колер, на вокладцы з'явіліся надпісы на рускай мове, герб «Пагоня» быў заменены на цяперашні. Унутранае афармленне асноўнага дакумента таксама значна змянілася.

Жыць з «чырвоным» пашпартам можна было і праз 10 гадоў пасля развалу СССР. Больш за тое, у 1999 годзе ўладальнікі савецкага пашпарта маглі выязджаць за мяжу. Праўда, для гэтага ў тыя часы трэба было паставіць адпаведны штамп з інфармацыяй, што «пашпарт прыгодны для шматразовых выездаў ва ўсе краіны свету». 

Дакумент быў выведзены з афіцыйнага абароту толькі ў канцы 2002 года, калі 29 кастрычніка Савет Міністраў прыняў пастанову № 1492 «Аб абмежаванні тэрміну дзеяння пашпарта грамадзяніна СССР узору 1974 года і пашпарта грамадзяніна РБ узору 1993 года». Разам з савецкім пашпартам адмянілі і пашпарт з «Пагоняй».

За чвэрцьвекавую гісторыю пашпарт узору 1996 года перажыў некалькі нязначных мадыфікацый.

Дзейны ўзор пашпарта быў зацверджаны ў 2010 годзе. У 2021 годзе быў уведзены ў абарачэнне біяметрычны пашпарт і ID-карта.

Прадстаўнікі беларускай апазіцыі працуюць над тым, каб беларусы, якія жывуць за мяжой і не могуць вярнуцца ці звярнуцца ў консульства, маглі атрымаць новыя пашпарты.

Палітыкі сцвярджаюць, што сам дакумент ужо распрацаваны і адпавядае стандартам ICAO — Міжнароднай арганізацыі грамадзянскай авіяцыі.

Заставачнае фота: Анатоль Лябедзька

Чытайце таксама: Калі дэмсілы плануюць выпусціць новы беларускі пашпарт, дзе ён будзе дзейнічаць і хто яго будзе выдаваць

Каментары4

  • Aresa
    08.03.2023
    Nie pašpart, a mara!
  • лябедзькина озера
    09.03.2023
    Лябедзька савецки пашпарт берэжна хранить )
  • Никогда не сдавайтесь! Никогда не уступайте!
    09.03.2023
    Я б вырвал бы уши с ногами долой!
    Не надо туркменский - надо такой!

Літва забараняе ўезд аўто на беларускіх нумарах15

Літва забараняе ўезд аўто на беларускіх нумарах

Усе навіны →
Усе навіны

Памёр Ігар Гіпс

«Калі ўпала першая льдзінка, я зразумела, што ўсё». Град памерам з курынае яйка пашкодзіў машыну беларускі2

У Беларусі затрымалі літоўца, які абвінавачваецца на радзіме ў забойстве2

Ціханоўская: Абмежаванні на мяжы не закрануць аўтобусы і маршруткі22

Літовец расказаў, як трапіў у полк Каліноўскага3

Паліцыя затрымала ў Варшаве беларуса, які прыйшоў у міністэрства з небяспечнымі прадметамі3

«Пакуль узаемнасці не бачым». Лукашэнка наракае, што не можа дамовіцца з Польшчай і Літвою29

Навукоўцы знайшлі на Месяцы пячору. Яны спадзяюцца, што ў ёй калі-небудзь паселяцца астранаўты1

На Алімпіяду ад Беларусі едзе мінімальная ў гісторыі колькасць удзельнікаў — 16 чалавек6

больш чытаных навін
больш лайканых навін

Літва забараняе ўезд аўто на беларускіх нумарах15

Літва забараняе ўезд аўто на беларускіх нумарах

Галоўнае
Усе навіны →