Затрыманы за дзяржаўную здраду дырэктар прадпрыемства «Матор Січ» больш за 20 гадоў мае расійскае грамадзянства
Затрыманы днямі за дзяржаўную здраду прэзідэнт запарожскага прадпрыемства «Матор Січ» Вячаслаў Багуслаеў мае грамадзянства Расіі, сведчаць дакументы, якія ёсць у распараджэнні журналістаў праекта Украінскай службы Радыё Свабода «Схемы».
Багуслаеў мае расійскае грамадзянства яшчэ з 2000 года. З тых часоў ён 4 разы абіраўся ў народныя дэпутаты і быў членам камітэта Рады па пытаннях нацбяспекі і абароны, што прадугледжвала атрыманне доступу да дзяржтаямніцы.
У адпаведнасці з выпіскай з АС «Распашпарт», 15 кастрычніка 2000 года Вячаслаў Багуслаеў звярнуўся ў пашпартна-візавы аддзел унутраных спраў па Маскве з заявай аб атрыманні пашпарта грамадзяніна Расіі ў абмен на савецкі пашпарт ад 1979 года. Дата атрымання ім пашпарта грамадзяніна Расійскай Федэрацыі — 18 кастрычніка 2000 года.
Сам Багуслаеў нарадзіўся ў 1938 годзе ў казахстанскім Уральску, там жа правёў дзяцінства і юнацтва, а ў Запарожжа прыехаў на працу ў 1961 годзе і з той пары там і жыў, даслужыўшыся ўрэшце да кіраўніка аднаго з самых магутных прамысловых прадпрыемстваў ва Украіне. У тым жа 2000 годзе ён, дарэчы, атрымаў і ганаровае званне Героя Украіны, якое з пачатку другога прэзідэнцкага тэрміну Леаніда Кучмы сталі раздаваць ва Украіне даволі масава, у тым ліку высокім чыноўнікам і дырэктарам буйных прадпрыемстваў.
Багуслаева 22 кастрычніка затрымала СБУ па падазрэнні ў калабарацыйнай дзейнасці і дапамозе дзяржаве-агрэсару. Гаворка ідзе пра крымінальную справу адносна незаконнай пастаўкі з боку «Матор Січ» тавараў ваеннага прызначэння для расійскай штурмавой авіяцыі, прытым гэта рабілася ўжо нават пасля пачатку паўнамаштабнай вайны паміж Расіяй і Украінай.
Чытайце таксама:
СБУ паведаміла, у чым падазраецца Герой Украіны Багуслаеў
Ва Украіне СБУ затрымала Героя Украіны, аднаго з найбагацейшых людзей краіны
-
«Сірыя паказвае, што Расія не непераможная». Галоўная дыпламатка ЕС выказалася супраць перамоў на ўмовах Масквы
-
«Людзі гінуць, а яму «цікава»… Д*****б». Украінскае кіраўніцтва пры каментаванні ініцыятыў Пуціна не падбірае слоў
-
Украінскаму музыку, які раіў палякам уступіць у Расійскую імперыю, забаранілі ўезд у Еўрасаюз на 10 гадоў
Каментары