Расійскія вайскоўцы апублікавалі відэа, як кастрыруюць палоннага ўкраінца
На запісе звязанаму мужчыну ў вайсковай форме адразаюць машонку канцылярскім нажом.
Відэазапіс быў апублікаваны ў сацсетках. На відэа палоннага трымаюць некалькі чалавек. Каля яго вайсковец, які трымае ў руках канцылярскі нож. Палонны імкнецца вырвацца, але яго б'юць нагой па галаве. Потым кат разразае штаны і трусы мужчыны нажом і адразае машонку.
Пасля выпакладанага мужчыну валакуць па зямлі, прывязаўшы вяроўкамі за ногі.
З этычных меркаванняў мы не можам змясціць гэтае відэа. Але яно выглядае рэальным і незмантажаваным.
У кадры мільгаюць твары ўдзельнікаў гэтага. Украінскія актывісты ўжо ідэнтыфікавалі меркаванага чалавека з нажом. У сетцы апублікаваныя яго персанальныя даныя. Гэта можа быць 29-гадовы А. з Элісты (Калмыкія).
Расійскія дзяржаўныя СМІ нічога не паведамляюць пра гэтую справу. Прапагандысцкія ж тэлеграм-каналы адны прызнаюць праўдзівасць відэа і спрабуюць знайсці яму апраўданне, а іншыя даказваюць, што гэта фальсіфікацыя, інсцэніроўка ўкраінцаў.
Вось што пішуць расійскія рэсурсы:
Дарадца кіраўніка Офіса прэзідэнта Украіны Міхаіл Падаляк у адказ на распаўсюд відэа назваў Расію «краінай людажэраў, якія атрымліваюць асалоду ад катаванняў і забойстваў». Ëн паабяцаў, што Украіна ідэнтыфікуе і пакарае кожнага датычнага да злачынстваў.
Стала вядома, хто жаніх былой дэпутаткі Марыі Васілевіч25
Каментары
На таких сделана ставка и путиным, и лукашенко, таким
раздают ордена, дают премии, квартиры и уводят из-под ответственности.