Прызналі «экстрэмісцкімі» 50 каналаў папулярнай украінскай сеткі
Суд Чыгуначнага раёна Гомеля ўнёс у спіс забароненых каналы сеткі «Труха».
Усяго ў спіс «экстрэмісцкіх» уключаныя 50 каналаў «Труха» на ўсіх платформах.
Як паведамляе ГУБАЗіК, гэта звязана з «публікацыяй загадзя хлуслівых звестак пра Беларусь, удзелам у дэструктыўнай прапагандзе і інфармацыйных укідах».
На галоўны канал «Труха Україна» ў тэлеграме падпісаныя 2,6 мільёна чалавек, папулярныя і рэгіянальныя каналы. Сетка вырасла з колішняга харкаўскага канала, які публікаваў мясцовыя крымінальныя навіны.
«Труха» набрала папулярнасць пасля пачатку поўнамаштабнага ўварвання Расіі ва Украіну. Тады канал пераключыўся на навіны з усёй Украіны, з'явіліся і рэгіянальныя каналы, якія хутка набралі падпісчыкаў.
«Яму па начах сніліся людзі, якіх ён пасадзіў». Сталі вядомыя новыя дэталі апошніх дзён жыцця сына Ярмошынай4
Каментары