Reuters: «Газпрам» абвясціў форс-мажорныя абставіны па некаторых пастаўках газу ў Еўропу
«Газпрам» абвясціў форс-мажорныя абставіны па пастаўках газу ў Еўропу як мінімум аднаму буйному замоўцу, гаворыцца ў лісце карпарацыі. Ён датаваны 14 ліпеня, піша Reuters.
![](http://d3kcf2pe5t7rrb.cloudfront.net/img/w840d4webp1/photos/z_2022_07/gettyimages-1239023527-pic_32ratio_900x600-900x600-65045-vqhdh.jpg.webp)
У лісце гаворыцца, што «Газпрам», які мае манаполію на экспарт расійскага газу трубаправодным транспартам, не можа выканаць свае абавязкі па пастаўках з-за «надзвычайных» абставін.
Сцвярджаецца, што пункт аб форс-мажорных абставінах, які спасылаецца на магчымасць выхаду бізнэсу з дамоўных абавязкаў з-за фактараў, якія не залежаць ад яго, можа быць прыменены да бягучых паставак, пачынаючы з 14 чэрвеня.
Гандлёвая крыніца, якая прасіла не называць яе з-за далікатнасці пытання, паведаміла, што ліст тычыўся паставак праз трубаправод «Паўночны паток — 1», асноўны маршрут пастаўкі газу ў Германію і за яе межы.
«Газпрам» пакуль што каментарыяў з гэтай нагоды не даваў.
Трубаправод «Паўночны паток — 1» цяпер закрыты для штогадовага тэхнічнага абслугоўвання, якое павінна завяршыцца 21 ліпеня. Але некаторыя еўрапейскія кліенты «Газпрама» баяцца, што пастаўкі могуць не аднавіцца.
Каментары