Грамадства

«Бар «Каліноўскі» — усё». Лукашэнкаўцы прыйшлі з рэйдам на Зыбіцкую 

Гісторыя з барам «Каліноўскі», на які накінулася прапаганда, не скончаная. У суботу Азаронак, Гладкая і брсмаўцы адправіліся інспектаваць тусовачную вуліцу Зыбіцкая.

Коратка нагадаем перадгісторыю. На мінулыя выходныя аднаго з наведнікаў бара, азербайджанца Нурлана Сафараліева, не пусцілі ўнутр. Абставіны невядомыя, але той напісаў у сацсетках, што прычынай нібыта стала яго нацыянальнасць.

Бар імгненна трапіў у няміласць лукашыстаў. Хоць за гучнай назвай — звычайная ўстанова з папсой і кактэйлямі.

Падрабязней: Азаронак патрабуе зачыніць мінскі бар «Каліноўскі» — нібыта праз нацыянальны канфлікт. Расказваем

Відэа ўчорашняга рэйду выклалі ў адным з каналаў.

«Бар «Каліноўскі» — усё. Ён дэмілітарызаваны і дэнацыфікаваны»,

— кажа на відэа Рыгор Азаронак.

«З кожным прадпрымальнікам, які дазволіць сабе дыскрэдытаваць нашу дзяржаву, нейкім чынам сегрэгіраваць кліентаў па палітычным, сацыяльным ці канфесійным складніку, будзе менавіта гэта», — каментуе член Моладзевага парламента Ягор Макарэвіч. 

На бары вісіць шыльда, што ён закрыты з тэхнічных прычын.

«Гэта ўстанова закрыта не з тэхнічных, а з антысеміцкіх прычын, — заяўляе старшыня БРСМ Аляксандр Лук'янаў, відаць, не ведаючы значэння тэрміна «антысемітызм». — Мы разлічваем на тое, што кіраўнік панясе адказнасць».

«За антыдзяржаўную дзейнасць», — дадае голас Людмілы Гладкай за кадрам.

Яны прапануюць на месцы «Каліноўскага» адчыніць бар у гонар 16 жніўня 2020 года, бо ў той дзень праходзіў мітынг у падтрымку Лукашэнкі. «Бацькаў вугал» — гучыць ідэя па назве. Канечне, пра марш пад бчб-сцягамі, які сабраў у той дзень па розных падліках 200-400 тысяч чалавек, яны нічога не згадваюць. 

Лукашэнкаўцы паабяцалі і далей праводзіць рэйды па ўстановах, якія ім не падабаюцца.

Каментары

Чаму расійскія дроны сталі часцей залятаць у Беларусь?3

Чаму расійскія дроны сталі часцей залятаць у Беларусь?

Усе навіны →
Усе навіны

Замах на Дональда Трампа планаваў Іран — CNN9

Мінэнерга паведаміла пра аднаўленне электразабеспячэння Мазыра1

Мазырская вертыкальшчыца далажыла пра аднаўленне водазабеспячэння. У каментарах ёй пярэчаць

Ад сёння Літва мае намер увесці абмежаванні на ўезд аўто з беларускімі нумарамі28

Мінскае «Дынама» на апошніх хвілінах прабілася ў другі раўнд кваліфікацыі Лігі чэмпіёнаў ВІДЭА1

Расійскі шахед выбухнуў за 55 км ад Бабруйска22

Паслабленні для беларускіх турыстаў уводзіць Тайланд

З беларусам тыдзень няма сувязі пасля таго, як ён перасёк мяжу з Польшчай1

88-гадовы апальны экс-кіраўнік «Пінскдрэва» Арыніч жыве ў Беластоку ў здымнай кватэры за кошт сваякоў2

больш чытаных навін
больш лайканых навін

Чаму расійскія дроны сталі часцей залятаць у Беларусь?3

Чаму расійскія дроны сталі часцей залятаць у Беларусь?

Галоўнае
Усе навіны →