Грамадства

Рэдактар «Камсамолкі» расказаў падрабязнасці затрымання Генадзя Мажэйкі ў маскоўскім аэрапорце

Галоўны рэдактар «Камсамольскай праўды» Уладзімір Сунгоркін у размове з Цінай Кандэлакі ў эфіры праграмы «Спецыяльны госць» на RTVI распавёў, як журналіст Генадзь Мажэйка спрабаваў вылецець у Варшаву з аэрапорта Шарамеццева і хто «дапамог» яму паляцець у Мінск.

«Неафіцыйна мы ведаем наступнае: калі ён прыехаў у аэрапорт Шарамеццева на рэгістрацыю рэйса ў Варшаву, да яго падышлі супрацоўнікі нашых спецслужбаў — зноў жа, я кажу «нашы» неафіцыйна — і сказалі: «Дарагі таварыш Мажэйка Генадзь, вы лічыцеся ў нас у спісах непажаданых персон і павінны пакінуць Маскву», — распавёў Сунгоркін.

Як я разумею, ён адказаў: «Ахвотна пакіну, вось мой квіток у Варшаву». «Выбачайце, не-не-не, вы павінны пакінуць Маскву і вярнуцца туды, адкуль вы да нас прыбылі, вы павінны вярнуцца ў Мінск, і мы вам у гэтым дапаможам». 

Галоўны рэдактар «КП» адзначыў, што Мажэйка правялі ў самалёт на рэйс у Мінск, там яго сустрэлі супрацоўнікі КДБ Беларусі і ўжо правялі зразумела куды. «І вось ён ужо на гэтую хвіліну каля двух тыдняў знаходзіцца там», — падкрэсліў ён.

Таксама Сунгоркін распавёў, што, знаходзячыся ў Маскве, Мажэйка не звязваўся з ім.

«Са мной не звязваўся, для нас гэта была ўсё таямніца, пакрытая цемрай. Ні са мной, ні з маімі калегамі, ні з кім. Мы доўга гадалі, калі ён проста знік, можа, ён у дзяўчыны, умоўна кажучы, дзе-небудзь. А далей — праваабарончыя форумы паведамляюць, што ён наогул ужо ў СІЗА на Акрэсціна, што вельмі цікава і робіць гонар гэтым праваабарончым форумам. «Камсамолка» яшчэ нічога не змагла даведацца, а яны ўжо кажуць, што ён у СІЗА на Акрэсціна. Мы яшчэ нават бацькоў не змаглі знайсці, яны некалькі гадзін хаваліся», — растлумачыў галоўны рэдактар.

Уладзімір Сунгоркін называў тое, што адбываецца з газетай і супрацоўнікам выдання ў Беларусі, «самавольствам». «Чым яно выклікана, я не разумею. Гэта неадэкватная рэакцыя на абсалютна нявінную нататку», — сказаў ён.

Каментары

Немец, прысуджаны да расстрэлу, датычны да дыверсій? Вось што за гісторыя гэта магла быць1

Немец, прысуджаны да расстрэлу, датычны да дыверсій? Вось што за гісторыя гэта магла быць

Усе навіны →
Усе навіны

У Львове стралялі ў палітыка Ірыну Фарыён. Яна ў крытычным стане18

МЗС Германіі пацвердзіў інфармацыю пра смяротны прысуд свайму грамадзяніну ў Беларусі5

Кіраўнік «Белсата» адказаў на абвінавачанні ў фінансавых злоўжываннях на канале

Заснавальнік Яндэкса даў першае інтэрв’ю пасля ўцёкаў з Расіі. Прызнаў свае памылкі10

У Ваўкавыску затрымалі маці і цётку анархіста Францкевіча. Яны прывезлі палітвязню перадачу4

Пра што маўчаў Пётра Сергіевіч2

У Мінску ўчора затапіла салон прыгажосці. Ён цалкам сышоў пад ваду ВІДЭА1

Андрэю Кудзіку з Вілейкі далі яшчэ чатыры гады калоніі1

У Дняпры ў рыбе завёўся страшны паразіт. Пераходзіць на чалавека!1

больш чытаных навін
больш лайканых навін

Немец, прысуджаны да расстрэлу, датычны да дыверсій? Вось што за гісторыя гэта магла быць1

Немец, прысуджаны да расстрэлу, датычны да дыверсій? Вось што за гісторыя гэта магла быць

Галоўнае
Усе навіны →