Закладнікаў захапіў сын уладальніка піцэрыі, што ў прыгарадзе Парыжа.
Месца здарэння. Фота сведкі
Здарылася гэта ў сярэдзіне дня 16 лістапада, піша BFMTV са спасылкай на AFP.
Чатырма закладнікамі сталі супрацоўнікі піцэрыі L'Olivier. Кліентаў у той час не было. Спачатку паведамлялася, што іх захапіў уласнік рэстарана, але пасля СМІ ўдакладнілі, што гэта зрабіў яго сын, узброіўшыся нажом.
Паліцыю і пажарных хутка накіравалі туды.
Паводле інфармацыі BFMTV, падазраваны мае наркатычную залежнасць.
На месцы працаваў пасярэднік, паколькі захопнік заявіў, што хоча скончыць жыццё самагубствам.
Пазней закладнікаў вызвалілі, захопніка затрымалі і змясцілі пад варту.
Каментары