Нацбанк Беларусі не плануе ў ліпені зніжаць стаўку рэфінансавання, нягледзячы на тое, што інфляцыя за чэрвень прагназуецца на ўзроўні каля 0,6%.Аб гэтым паведаміла старшыня праўлення Нацыянальнага банка Беларусі Надзея Ермакова.
Пытанне па стаўцы рэфінансавання будзе разгледжаны ў бліжэйшы час, адзначыла Надзея Ермакова. «Я мяркую, што ў ліпені стаўку пакуль рухаць нельга», — сказала яна.
Для гэтага пакуль не склаліся неабходныя ўмовы, патлумачыла кіраўнік Нацбанка.
У прыватнасці, паменшыўся прыток валюты ў краіну, у тым ліку ад гандлю таварамі і паслугамі, у той час як попыт на валюту з боку насельніцтва ў сезон адпачынкаў некалькі вырас.Каб не змяншаць стаўкі па дэпазітах у беларускіх рублях, у такіх умовах мэтазгодна пакуль не зніжаць стаўкі рэфінансавання, адзначыла Надзея Ермакова.
Разам з тым павышаць стаўку рэфінансавання таксама не плануецца, для гэтага няма падстаў.Кіраўнік Нацбанка выказала надзею, што пытанне аб далейшым зніжэнні стаўкі рэфінансавання зможа быць станоўча вырашана ў жніўні.
Стаўка рэфінансавання Нацбанка з 10 чэрвеня знізілася на 1,5 працэнтнага пункта і складае 23,5%.
Дзяніс Мельянцоў і яго рэалпалітык: ён сапраўды памяняў погляды ці проста раней маскіраваўся?47
Каментары