Наскевіч: З лета 2020 года распачата 2407 крымінальных спраў «экстрэмісцкай накіраванасці»
У Беларусі з лета мінулага года заведзена больш за 2400 крымінальных спраў экстрэмісцкай накіраванасці. Пра гэта 4 сакавіка расказаў старшыня Следчага камітэта Іван Наскевіч падчас наведвання «Гомсельмаша», паведамляе Tut.by са спасылкай на СТБ.
З моманту постэлектаральных падзей 2020 года ў Беларусі распачата 2407 крымінальных спраў экстрэмісцкай накіраванасці. У гэтую лічбу ўключаны ўсе «палітычныя» справы — ад надпісаў на будынках да прымянення гвалту ў дачыненні да праваахоўнікаў.
Нагадаем, тыднем раней Іван Наскевіч паведаміў, што распачата і расследуецца больш за 2300 крымінальных спраў экстрэмісцкай накіраванасці.
Пры гэтым, паводле афіцыйных звестак на 9 верасня 2020 года, у Следчы камітэт Беларусі паступіла больш за 1800 скаргаў ад грамадзян на катаванні і незаконнае ўжыванне фізічнага гвалту з боку праваахоўнікаў. Па стане на 31 снежня 2020 года ў дачыненні да супрацоўнікаў праваахоўных органаў не было заведзена ніводнай крымінальнай справы.
Сваяк Віктара Лукашэнкі займае высокія пасады ў КДБ. Гэта высветлілася, калі забралі будынак дзіцячай паліклінікі9
Каментары