Ураджэнец Полаччыны загінуў у вайне на баку Расіі. Ён сам вызваўся на фронт
Пра смерць Валерыя Антаненкі паведаміла адміністрацыя Балашоўскага раёна Саратаўскай вобласці Расіі. Пры жыцці ён меў даўгі ды праблемы з законам.
Валерый Антаненка нарадзіўся ў вёсцы Святлічышча Полацкага раёна. Невядома, чым ён займаўся ў Беларусі, але даўно пераехаў у Расію (хутчэй за ўсё, да распаду СССР) і мае грамадзянства гэтай краіны.
Пра ягоную дзейнасць вядома ў асноўным са злітых расійскіх базаў, датычных правапарушэнняў і крыміналу.
Першую адміністратыўку ён атрымаў у 2000 годзе за «незаконную куплю або захоўванне нязначнай колькасці наркотыкаў». У 2010 займеў крыміналку за пагрозу забойствам. У 2018 меў дзве адміністратыўкі — «парушэнне заканадаўства ў галіне санітарна-эпідэміялагічнага дабрабыту насельніцтва» і «пражыванне грамадзяніна Расіі без пасведчання асобы».
Па звестках Digital intelligence team, ужо ў 2015 годзе Антаненка меў адзнаку ў фінансавых арганізацыях «негатыў» — значыць, меў даўгі і не плаціў іх. Агулам з 2019 па 2023 гады супраць яго былі адкрытыя каля дзясятка выканаўчых вытворчасцяў за нясплату даўгоў, кожная на некалькі соцень даляраў.
У жыцці Антаненка афіцыйна працаваў няшмат, у базах шмат пазнак пра тое, што ён нідзе не працаваў. Вядома толькі пра два афіцыйныя месцы ягонай працы — у 2018, 2021 і 2023 гадах на фермах і, відаць, не надта ўпарта. Заробкі ў яго былі таксама невысокія — максімум $1500 за год.
Вядома, што Антаненка пайшоў на вайну сам. Дата ягонай смерці невядомая, расійскія медыя толькі адзначаюць, што ён «загінуў пры выкананні службовых абавязкаў». Пахаваны ў Балашоўскім раёне ў Расіі.
«Наша Нiва» — бастыён беларушчыны
ПАДТРЫМАЦЬРэцыдывіст, які скраў унітаз у суседа. Расказваем, хто той найміт з Беларусі, якога ўзялі ў палон ва Украіне
У Беларусі пасадзілі вагнераўца, які ваяваў за Расію. Гэта восьмая судзімасць хранічнага алкаголіка
34-гадовы неанацыст з дзясяткам судзімасцяў — стала вядома пра беларуса, які загінуў падчас мясных штурмаў Аўдзееўкі
Каментары