Традыцыя заварочваць фарш у капусны ліст ёсць у розных кухнях свету. Так, напрыклад, на ўсходзе распаўсюджаная далма — тыя ж галубцы, толькі ў вінаградным лісці. Варыяцыі галубцоў у славянскіх кухнях таксама розняцца: нехта робіць іх, выкарыстоўваючы замест белакачаннай савойскую ці чырвоную капусту. Сёння мы прапануем класічны варыянт, які вы можаце адаптаваць пад свае ўпадабанні.
Каб зрабіць галубцы з маладой капусты, спатрэбіцца:
- 750 г фаршу са свіной лапаткі,
- вялікая галоўка маладой капусты,
- 100 г сухога рысу — напрыклад, басмаці,
- 1,5 шклянкі булёну,
- 1 вялікая ці некалькі маленькіх цыбулін — каля 230 г,
- 1 сталовая лыжка расліннага алею для смажання,
- 500 мл таматнага соусу або таматнай пасты. Калі ў вас таматная паста, то варта таксама дадаць спецыі: па чайнай лыжцы солі, перцу, арэгана і маярану,
- чайная лыжка салодкага перцу,
- жменя свежага кропу.
Як гатаваць:
- Адварыце рыс да мяккасці ў падсоленай вадзе паводле інструкцыі. Гатовы адкладзіце ўбок, каб яны астывалі.
- Аблупіце вялікую цыбуліну і нарэжце яе вельмі дробна. Абсмажвайце яе на слабым агні з адной сталовай лыжкай алею каля 5—8 хвілін. Цыбуля павінна стаць злёгку празрыстай і мяккай.
- Калі ў вас не фарш, а мяса, то здрабніце яго ў кухонным камбайне сярэдняга памеру.
- Усе інгрэдыенты для начынкі складзеце ў адну міску. Гэта будзе: фарш; прыгатаваны і добра асушаны рыс; смажаная цыбуля; чайная лыжка солі, перцу, арэгана і маярану. Усё вельмі старанна перамяшайце.
- Падрыхтуйце вялікую і шырокую каструлю. Заліце вадой да 1/3 яе вышыні. Уключыце пліту.
- Лісце капусты можна абдаць кіпнем некалькімі спосабамі. Спачатку лепш выдаліць нажом храпку — з сярэдзіны трэба выразаць перавернуты конус. Гэта палегчыць працэс зняцця лісця. Пакладзіце капусту ва ўжо кіпячую ваду выразанай часткай уніз. Праз дзве хвіліны перавярніце капусту і пачакайце яшчэ 2-3 хвіліны, перш чым здмыць першыя лісты. Здымайце лісты па 2-3 за раз. Абкручвайце галубцы і здымайце наступныя лісткі.
- Кожны ліст мае тоўстую жылку пасярэдзіне. Вымаць яе варта акуратна (не вельмі глыбока, бо ёсць рызыка, што начынка выпадзе). Можна проста зрэзаць вострым нажом частку, якая выступае.
- Пакладзіце ў руку порцыю начынкі памерам з мандарын (для лістоў большага памеру гэта будзе прыкладна 70-80 грам начынкі). Злёгку прыплюшчыце яго і перанясіце на ліст побач з выразанай жылкай. Захіліце бакавіцы ліста ўнутр. Шчыльна згарніце капусту ад таўсцейшай жылкі да краёў ліста.
- Сфармуйце такім чынам усе галубцы. Выліце ваду з рондаля. На дно пакладзіце некалькі падраных лістоў і тых, якія былі занадта малыя, каб згарнуць галубцы (тады ніжнія галубцы не будуць прыгараць). Выкладзіце галубцы адзін побач з іншым, заўсёды швом уніз. Пэўна, вы зробіце два ці нават тры пласты.
- Заліце галубцы агароднінным булёнам — прыкладна 1,5 шклянкі (або ў крайнім выпадку проста вадой). Дадайце ў булён 500 мл таматнага соусу (можна выкарыстоўваць таматную пасту, тады ў яе трэба дадаць па плоскай чайнай лыжцы солі, перцу, арэгана, маярану). Накрыйце каструлю. Давядзіце галубцы да кіпення, а затым паменшыце агонь да нізка-сярэдняга. Капуста ў галубцах павінна размякчыцца прыкладна за 35 хвілін варэння.
- У канцы гатавання можна дадаць плоскую чайную лыжку салодкага перцу і жменю свежанарэзанага кропу.
Як прыгатаваць галубцы ў духоўцы:
Загорнутыя ў маладое капуснае лісце галубцы выкладзіце адзін побач з адным у вялікую жаратрывалую форму (папярэдне выкладзіце дно формы парванымі або занадта маленькімі лістамі для таго, каб загарнуць галубцы). Пастаўце маладыя галубцы на сярэднюю паліцу ў разагрэтую да 180 градусаў духоўку. Накрыйце форму і запякайце 40 хвілін (або даўжэй, калі капуста занадта цвёрдая). Па заканчэнні гэтага часу паліце іх таматным соусам (ці таматнай пастай з прыправамі).
Пастаўце галубцы з падліўкай назад у духоўку і запякайце без вечка каля 15 хвілін або даўжэй (такая ж тэмпература).
Падавайце галубцы як самастойную страву. Яшчэ іх вельмі смачна есці з варанай бульбай. На наступны дзень яны будуць яшчэ лепшыя.
Каментары