У аўторак, 21 жніўня, сайт Кнігі рэкордаў Гінеса паведаміў, што самай старой жыхаркай планеты цяпер лічыцца Таміка Ітока. Ёй 116 гадоў і 90 дзён.
![](http://d3kcf2pe5t7rrb.cloudfront.net/img/w840d4webp1/photos/z_2024_08/tamika_itoka240821-bx3gs.png.webp)
Фота: joyreactor.cc
Гэты тытул жанчына атрымала пасля смерці Марыі Браніяс Марэры, якая лічылася самай старой жыхаркай Зямлі, пакуль не памерла напярэдадні ва ўзросце 117 гадоў.
Таміка Ітока пражывае ў доме састарэлых у горадзе Асія, прэфектура Хіёга. Жанчына нарадзілася ў Осацы ў 1908 годзе, у маладосці гуляла ў валейбол і частку свайго жыцця прысвяціла альпінізму.
Каментары