Зяленскі адхіліў «мірныя ініцыятывы» Бразіліі і Кітая як прарасійскія
Кітай і Бразілія апублікавалі свае прапановы аб мірным урэгуляванні вайны ва Украіне ў канцы мая.
Прэзідэнт Украіны заявіў у інтэрв'ю бразільскаму выданню Metropoles, што мірны план, прапанаваны ўрадамі Бразіліі і Кітая, больш адпавядае інтарэсам Расіі і застаецца непрымальным для Кіева, піша Бі-бі-сі.
«На жаль, я мяркую, што [бразільска-кітайскія ініцыятывы] больш прарасійскія», — сказаў Зяленскі.
Ён распавёў, што адкрыта паведаміў пра гэта прэзідэнту Бразіліі Лулу да Сілве.
Кітай і Бразілія апублікавалі свае прапановы аб мірным урэгуляванні вайны ва Украіне ў канцы мая. Яны заявілі, што адзіны спосаб скончыць канфлікт — правесці мірныя перамовы з раўнапраўным удзелам усіх бакоў.
На гэтым тыдні намеснік міністра замежных спраў Расіі Сяргей Рабкоў заявіў, што Масква вітае ініцыятыву Бразіліі і Кітая.
«Я думаю, што гэтая ініцыятыва карыстаецца ўсё большай і большай падтрымкай на глабальным поўдні», — сказаў Рабкоў каналу RT.
Са слоў Зяленскага, гэты «мірны план» не быў узгоднены з Украінай, і Кіеў не можа пайсці на які-небудзь кампраміс з Расіяй у дачыненні да сваіх тэрыторый.
«Ён [прэзідэнт Расіі Уладзімір Пуцін] зайшоў, забіў людзей, захапіў тэрыторыю, а цяпер Лула кажа: «Давайце, хай яны пагавораць». Я мог проста пагаварыць з Лулай. Бо Лула мне не вораг», — сказаў Зяленскі.
«Я павінен быць моцным, каб садзіцца і пра нешта казаць. Ён павінен рабіць крокі, паказаць, што ён хоча заканчэння вайны. Нельга проста казаць: «Мы павінны рабіць крокі адзін аднаму на сустрэчу»», — заявіў прэзідэнт Украіны.
У канцы мая 2024 года ўрады Бразіліі і КНР прапанавалі сумесны план з шасці пунктаў: У першым гаворыцца пра тое, што Украіна і Расія павінны «прытрымлівацца трох прынцыпаў дээскалацыі сітуацыі, а менавіта: не пашыраць поле бою, не дапускаць эскалацыі баявых дзеянняў і не правакаваць ніводнага з бакоў».
«Паглядзіце, што нарабілі мужчыны». Марына Ментусава — пра жанчын, што выратуюць свет, працу ў Расіі, асабістае жыццё і «Обычное утро»16
«Паглядзіце, што нарабілі мужчыны». Марына Ментусава — пра жанчын, што выратуюць свет, працу ў Расіі, асабістае жыццё і «Обычное утро»
«Тое, што хтосьці сядзіць за палітыку, з'яўляецца часткай пейзажу». Беларуска, якая наведала радзіму пасля доўгага перапынку, падзялілася ўражаннямі1010
Каментары