На выездзе з Беларусі новыя плакаты — яны папярэджваюць, што ў Польшчы ўлады абмяжоўваюць свабоду сходаў
Таксама на білбордах сказана, што палякі нібыта забыліся сваю гісторыю, а замест трактароў па палях там ездзяць танкі.
У пункце пропуску «Брэст» на мяжы з Польшчай з'явіліся новыя прапагандысцкія плакаты.
Білборды «Сардэчна запрашаем у Беларусь» звернутыя да тых, хто заязджае ў краіну. На іх на польскай і англійскай мове пазначана, што ў Беларусі ўшаноўваюць памяць пра Другую сусветную, надаюць асаблівую ўвагу экалогіі і развіваюць навуку. Фота апублікаваў канал #1регион.
Яшчэ некалькі плакатаў звернутыя да тых, хто едзе ў Польшчу.
«Пакідаючы Беларусь, вы едзеце ў краіну, дзе ўрад парушае права грамадзян на свабоду сходаў», — гаворыцца на адным з білбордаў пра Польшчу.
На іншым плакаце сказана, што «Польшча забылася сваю гісторыю», яшчэ на адным — што ў Польшчы «па палях замест трактароў ездзяць танкі».
Па чыёй ініцыятыве ўсталявалі новыя білборды, невядома.
Сястра Калеснікавай прапанавала ў Брусэлі тры крокі, якія трэба зрабіць для вызвалення палітвязняў23
Каментары
Это, как бы, замазать в своих фекалиях, так не так обидно, особенно подсматривая из-за забора за нормальной, спокойной, богатой жизнью соседа, вымазал своим говном и кричишь, что сосед говно и весь в говне...