Стала вядома, колькі машын з ЗША, што замовілі беларусы да санкцый, захраслі ў порце Клайпеды
З 4 чэрвеня Літва і іншыя суседнія краіны ЕС не прапускаюць у Беларусь машыны, маладзейшыя за 5 гадоў і з аб'ёмам рухавіка ад 1,9 літра. Людзі, якія ўжо набылі аўто ў Штатах і адправілі машыны ў Клайпеду, не ведаюць, як іх забраць.
![](http://d3kcf2pe5t7rrb.cloudfront.net/img/w840d4webp1/photos/stock/52_20190911_fo2a5343_nn-a95mw.jpg.webp)
Ілюстрацыйны здымак. Фота: «Наша Ніва»
Паводле тэлеканала АНТ, у Клайпедзе цяпер захраслі 4 тысячы машын беларусаў.
Ніякага выйсця пакуль ні пакупнікі, ні пасярэднікі, праз якія аўто набывалі ў ЗША, знайсці не могуць.
Разглядаюцца варыянты — адпраўляць аўто праз Грузію ці Турцыю. Гэта будзе каштаваць пакупнікам дадаткова да 5 тысяч еўра.
Кожны дзень прастою аўто ў порце, паведамляе тэлеканал, каштуе да 20 еўра, што таксама дадаткова выльецца ў круглую суму.
Як беларусам ездзіць праз мяжу на аўто, зарэгістраваных у ЕС, калі беларускія нумары акажуцца пад поўнай забаронай
Не толькі машыны з аб'ёмам рухавіка, большым за 1,9 літра. Якія яшчэ аўто нельга будзе прыганяць у Беларусь
«Падсанкцыйныя» аўто са Штатаў прапануюць дастаўляць у Беларусь праз Грузію. Наколькі гэта даражэй?
Каментары