Аўто44

«Падсанкцыйныя» аўто са Штатаў прапануюць дастаўляць у Беларусь праз Грузію. Наколькі гэта даражэй?

З 4 чэрвеня Літва і іншыя суседнія краіны ЕС не прапускаюць у Беларусь машыны, маладзейшыя за 5 гадоў і з аб'ёмам рухавіка ад 1,9 літра. Ахвотным набыць такія аўто ў ЗША прапануюць дастаўку праз Грузію. Вось колькі гэта будзе каштаваць.

Ілюстрацыйны здымак. Фота: «Наша Ніва»

Зялёнае святло толькі для малалітражак

Праз некалькіх дзён пасля поўнага бану на афармленне машын, маладзейшых за 5 гадоў, аўто з аб'ёмам рухавіка да 1,9 літра пачалі зноў афармляць і выпускаць у Беларусь. 

Аўтамабілі з аб'ёмам рухавіка, большым за 1,9 літра, па-ранейшаму не афармляюць на экспарт і не выпускаюць з ЕС у Беларусь, калі з моманту выпуску не прайшло 5 гадоў.

Людзям, якія ўжо набылі аўто ў Штатах, але іх машыны не паспелі адправіць у Клайпеду, прапануюць адпраўляць іх у грузінскі порт Поці. З Грузіі машыны аўтавозамі абяцаюць даставіць у Беларусь. 

Такі самы маршрут прапануюць і тым, хто толькі задумаўся пра куплю машыны ва ўзросце да 5 гадоў і з рухавіком, большым за 1,9 літра. Таксама пішуць, што Літва не афармляе ў Беларусь электракары і гібрыды ва ўзросце да 5 гадоў. Таму гэтыя машыны таксама трэба будзе дастаўляць праз Грузію.

Рыхтуйце грошы

Натуральна, што дастаўка машын такім шляхам будзе значна даражэйшай. Марская дастаўка будзе каштаваць больш прыблізна на 300 даляраў. За дастаўку аўтамабіля па сушы (з Грузіі ў Беларусь) называюць ад 2500-3000 даляраў. Для параўнання: з Клайпеды да Мінска дастаўка каштуе каля 1200 даляраў. 

Атрымліваецца, што праз ускладнёную лагістыку машыны са Штатаў з аб'ёмам рухавіка 1,9 літра і больш прыбавяць у цане каля 2-2,5 тысячы даляраў. 

Ілюстрацыйны здымак. Фота: «Наша Ніва»

Купля некаторых аўто з-за акіяну можа страціць сэнс

Дадатковыя 2000-2500 даляраў зробяць куплю некаторых машын немэтазгоднай. У выпадках, калі мадэль будзе прадавацца, напрыклад, з рухавіком 1,5 і 2,0, то апошнюю відавочна купляць будзе без сэнсу. 

Але ў шэрагу папулярных мадэляў, якія вязуць са Штатаў, проста няма ў лінейцы рухавікоў з аб'ёмам да 1,9. Сярод іх, напрыклад, Ford Mustang, Chevrolet Camaro, BMW розных мадэляў.

Каментары4

  • Паразіты
    21.06.2024
    Няхай праз Афрыку возяць, але канец перагонам будзе
  • Индеец
    21.06.2024
    Vалик

    Какие Джили-Шмыли. Китайский автопром - это идеальное решение для беларуского авторынка. Новые, современные и доступные модели, если сравнивать цены с такими же немецкими. Я когда съезжал с Минска, эти дурни на парковках возле ТЦ втюхивали друг другу у меня на глазах Пасцатик B2, с умным видом заглядывая под капот. Ладно бы не было денег, и этот шрот стоит условные 500. Так тут недавно была статья, что их втюхивают по 2000-4000 тысячи, как "паследние настаящые". Про всякие там Е39 и 7-ю серию вообще молчу. Упиленный корч с расходом 20 литров на сотню, а за рулем какие-то гопники в китайских лохмотьях. Умом эту деревню не понять.
  • Е
    22.06.2024
    Индеец, дизайнер, покупай китайский хлам по цене немецких авто, сиди и радуйся. После 2-3 зим твоя новая китайская машина выглядит хуже ржавая консервной банки, хуже 20 летних корчей

Сілавікі просяць у беларусаў за мяжой паведаміць свой адрас ці выслаць дамову арэнды. Што вядома?16

Сілавікі просяць у беларусаў за мяжой паведаміць свой адрас ці выслаць дамову арэнды. Што вядома?

Усе навіны →
Усе навіны

Яшчэ адна ахвяра непагадзі: у Магілёўскім раёне загінула 5-гадовая дзяўчынка

На беларуска-літоўскай мяжы упершыню за доўгі час з'явілася чарга з аўтобусаў1

Рыжанкоў: Беларусь гатова да дыялогу з Польшчай па сітуацыі на мяжы20

У залатой буцы на Еўра-2024 адразу некалькі ўладальнікаў

Як адрозніваюцца ўмовы працы для ІП у Беларусі і Літве? 1

Анёл Смерці. Гісторыя беларускі, якая паведамляе родным загінулых каліноўцаў пра іх гібель3

Аргенціна выйграла Кубак Амерыкі па футболе — і гэта таксама рэкорд

Як адразу пасля замаху на Трампа сацсеткі запоўнілі тэорыі змовы і пры чым тут Ілан Маск32

У Брэсце закансервуюць руіны 400-гадовага кляштара. Гэта адзінае збудаванне, што засталося ад гістарычнага Берасця4

больш чытаных навін
больш лайканых навін

Сілавікі просяць у беларусаў за мяжой паведаміць свой адрас ці выслаць дамову арэнды. Што вядома?16

Сілавікі просяць у беларусаў за мяжой паведаміць свой адрас ці выслаць дамову арэнды. Што вядома?

Галоўнае
Усе навіны →