Stała viadoma, kolki mašyn z ZŠA, što zamovili biełarusy da sankcyj, zachraśli ŭ porcie Kłajpiedy
Z 4 červienia Litva i inšyja susiednija krainy ES nie prapuskajuć u Biełaruś mašyny, maładziejšyja za 5 hadoŭ i z abjomam ruchavika ad 1,9 litra. Ludzi, jakija ŭžo nabyli aŭto ŭ Štatach i adpravili mašyny ŭ Kłajpiedu, nie viedajuć, jak ich zabrać.
Ilustracyjny zdymak. Fota: «Naša Niva»
Pavodle telekanała ANT, u Kłajpiedzie ciapier zachraśli 4 tysiačy mašyn biełarusaŭ.
Nijakaha vyjścia pakul ni pakupniki, ni pasiaredniki, praź jakija aŭto nabyvali ŭ ZŠA, znajści nie mohuć.
Razhladajucca varyjanty — adpraŭlać aŭto praz Hruziju ci Turcyju. Heta budzie kaštavać pakupnikam dadatkova da 5 tysiač jeŭra.
Kožny dzień prastoju aŭto ŭ porcie, paviedamlaje telekanał, kaštuje da 20 jeŭra, što taksama dadatkova vyljecca ŭ kruhłuju sumu.
Jak biełarusam jeździć praź miažu na aŭto, zarehistravanych u ES, kali biełaruskija numary akažucca pad poŭnaj zabaronaj
Nie tolki mašyny z abjomam ruchavika, bolšym za 1,9 litra. Jakija jašče aŭto nielha budzie pryhaniać u Biełaruś
«Padsankcyjnyja» aŭto sa Štataŭ prapanujuć dastaŭlać u Biełaruś praz Hruziju. Nakolki heta daražej?
«Navat jaho prychilniki zrazumieli, što žyć jak raniej užo nie atrymajecca». Biełarusy raskazali pra atmaśfieru ŭ krainie napiaredadni vybaraŭ8
Kamientary