У Беларусі ўвялі абмежаванне розніцы ва ўзросце паміж бацькам і дзіцём пры ўсынаўленні
Новаўвядзенне прапісана ў законе «Аб змяненні законаў па пытаннях рэгулявання шлюбных і сямейных адносін», які ўносіць змены ў Кодэкс аб шлюбе і сям'і.
![](http://d3kcf2pe5t7rrb.cloudfront.net/img/w840d4webp1/photos/stock/fun_straw_6661-s0g4a.jpg.webp)
Цяпер з'яўляецца абмежаванне розніцы ва ўзросце паміж бацькам і дзіцём, калі бацькоўства адносна непаўналетняга дзіцяці вызначаецца добраахвотна.
Напрыклад, жанчына не знаходзіцца ў зарэгістраваным шлюбе і нараджае дзіця, а бацька хоча, каб яго запісалі ў пасведчанне аб нараджэнні. Гэта значыць, падаецца сумесная заява ў орган ЗАГСа. Але паміж бацькам і дзіцём паводле новага закона павінна быць не менш за 15 гадоў розніцы.
Навошта гэта ўводзяць? Начальніца ўпраўлення натарыяту і ЗАГСаў Міністэрства юстыцыі Таццяна Сашчэка гаворыць, што гэта вымушаны крок. Маўляў, не раз бывала такое, калі органы ЗАГСа збіраліся ўносіць даныя, а аказвалася, што на момант нараджэння дзіцяці бацьку было ўсяго на 9 або 10 гадоў больш. А гэта прынамсі дзіўна.
«З нашага пункту гледжання такое новаўвядзенне будзе павышаць адказнасць бацькоў за выхаванне і нараджэнне дзяцей», — упэўненая Таццяна Сашчэка.
Змяненне ўступае ў сілу з пачатку 2025 года.
У Індыі жэніцца сын самага багатага чалавека краіны. На вяселле патрацілі шалёныя грошы
Маргарыта Ляўчук выпусціла песню, якую запісала разам з мужам
Колькі беларусаў хочуць мець дзяцей, а колькі ўхваляюць разводы
«Каханне ўсяго майго жыцця». Арына Сабаленка пацвердзіла свае адносіны з бразільскім бізнэсменам
Каментары