У Індыі жэніцца сын самага багатага чалавека краіны. На вяселле патрацілі шалёныя грошы
Шлюб сына самага багатага чалавека Індыі, мільярдэра Мукеша Амбані, верагодна, абыйдзецца больш чым у 600 мільёнаў даляраў.
Багацце Амбані ацэньваецца ў 120 мільярдаў даляраў, і на працягу многіх гадоў іх сям'я не грэбавала экстравагантна траціць свае грошы, хоць на самы дарагі дом у свеце — 27-павярховы асабняк-хмарачос, які ўзвышаецца над Мумбаі, — або на вяселле, якое раней лічылася самым дарагім у Індыі, выдаткаваўшы амаль 100 мільёнаў даляраў (у 2018-м замуж аддавалі дачку, на свяце выступала спявачка Беёнсе).
Але нават для сям'і Амбані шматмесячныя ўрачыстасці, звязаныя з вяселлем малодшага сына, 29-гадовага Ананта Амбані, з Радхікай Мерчант, дачкой фармацэўтычнага магната, перасягнулі самыя смелыя фантазіі, піша The Guardian.
Сама цырымонія шлюбу праходзіць на працягу трох дзён у фінансавай і кіношнай сталіцы Мумбаі, пачынаючы з пятніцы. На яе запрошаны зорныя і ўплывовыя госці — ад зорак Балівуда да палітыкаў. Прэм'ер-міністр Індыі Нарэндра Модзі, былыя прэм'ер-міністры Вялікабрытаніі Барыс Джонсан і Тоні Блэр, селебрыці Дэвід і Вікторыя Бэкхэм, Кім і Хлоя Кардаш'ян…
Размінка пачалася яшчэ ў сакавіку з перадвясельнай вечарынкі. Спявачцы Рыяне, якая там выступіла, заплацілі 6 мільёнаў даляраў. А 1200 гасцей, сярод якіх былі Біл Гейтс, Хілары Клінтан, Іванка Трамп і Марк Цукерберг, былі запрошаныя на светлавое шоу з удзелам 5500 дронаў і вечарыну ў стылі джунгляў, якая суправаджалася дзевяцістаронкавым дрэс-кодам.
Затым у маі быў арганізаваны вясельны круіз па Міжземным моры на 800 гасцей коштам 150 мільёнаў даляраў з выступамі Андрэа Бачэлі, Кэці Пэры, The Backstreet Boys і Pitbull. Вечарыны на борце былі настолькі шумнымі, што жыхары італьянскага горада Генуя выклікалі паліцыю з-за шуму, аналагічна абураліся і ў рыбацкім паселішчы Партафіна.
На мінулым тыдні на традыцыйную перадвясельную ноч з танцамі і музыкай прыляцеў выступіць Джасцін Бібер — яму заплацілі 10 мільёнаў даляраў.
Што да самога вяселля, то асноўныя цырымоніі пройдуць у велізарным канферэнц-цэнтры ў Мумбаі. Да абурэння многіх жыхароў Мумбаі, паліцыя на тры дні абмежавала доступ да дарог каля канферэнц-цэнтра.
Сямейныя мерапрыемствы таксама пройдуць у «Антыліі», велізарным шматпавярховым асабняку Амбані ў Мумбаі, у якім ёсць бальная зала, басейн, верталётная пляцоўка і кінатэатр, які быў упрыгожаны гірляндамі і кветкамі для святочных мерапрыемстваў.
Безыдэйная і безгустоўная халтура. Канцэпцыю новага гістарычнага музея для Лукашэнкі рыхтавалі ў спешцы10
Каментары