У Магілёве гучала сірэна паветранай трывогі пасля пралёту шахеда
Жыхары Магілёва чулі сістэму абвяшчэння пры надзвычайных сітуацыях у раёне 12.00, піша motolkohelp.
![](http://d3kcf2pe5t7rrb.cloudfront.net/img/w840d4webp1/photos/z_2024_07/1-95p5w.jpg.webp)
Сірэны гучалі ў горадзе ўжо пасля таго, як менавіта ў тым раёне праляцеў дрон-камікадзэ.
Затым толькі ў 12:56 у СМІ з'явілася інфармацыя ад МНС аб праверцы сістэм абвесткі. Аднак міністэрства не інфармавала аб гэтай праверцы загадзя, як гэта звычайна бывае. Традыцыйна МНС паведамляе аб будучай праверцы як мінімум за дзень.
Акрамя таго, у ваколіцах Магілёва, Быхава і Бабруйска працягвае лятаць верталёт Мі-8 МНС Беларусі — менавіта ў гэтым раёне, дзе раней пралятаў шахед.
Каментары