За рулём легкавіка, што ўрэзаўся ў маршрутку пад Маладзечнам, быў трэнер-баксёр, які вяртаўся з Гульняў БРІКС у Казані
«Заснуў, напэўна. Усю ноч дабіраўся дадому з Казані».
![](http://nnexpictures.fra1.digitaloceanspaces.com/img/w732d4webp1/photos/z_2024_06/1719299784-cl66r.jpeg.webp)
Аўтамабілем «Фальксваген Гольф», які ўчора раніцай, 25 чэрвеня, сутыкнуўся на трасе Маладзечне — Мінск з маршруткай, у выніку чаго тая перакулілася, кіраваў вядомы маладзечанскі трэнер па боксе Сяргей Асанаў, бацька баксёра-прафесіянала Дзмітрыя Асанава, піша Kraj.by.
Сяргей Леанідавіч сказаў, што з ім ужо ўсё ў парадку. Стацыянарнае лячэнне ў бальніцы яму не трэба. Лячыць траўмы твару і ногі ён будзе дома.
![](http://nnexpictures.fra1.digitaloceanspaces.com/img/w732d4webp1/photos/z_2024_06/1719299785-qa69n.jpg.webp)
— Так, сутыкнуўся я з маршруткай. Не ведаю, як і чаму гэта здарылася. Заснуў, напэўна. Усю ноч дабіраўся дадому з Казані, з гульняў БРІКС. У машыне быў адзін. Мяне адвезлі ў бальніцу, аказалі медыцынскую дапамогу. Увесь твар мне пасекла. І яшчэ нагу пашкодзіў. Ад шпіталізацыі я адмовіўся. Траўмы буду лячыць дома. Усё ўжо нармальна са мной, — сказаў Сяргей Асанаў.
![](http://nnexpictures.fra1.digitaloceanspaces.com/img/w732d4webp1/photos/z_2024_06/photo_2024-06-25_08-24-21-8c0cn.jpg.webp)
Тым часам па факце ДТЗ заведзена крымінальная справа.
Каментары