Грамадства

«Выехаў на паласу сустрэчнага руху, проста ў лоб». Што кажуць відавочцы ДТЗ пад Маладзечнам

Кіроўца маршрутнага таксі пачаў ухіляцца ад сутыкнення, але не паспеў.

Сёння, 25 чэрвеня, каля 7-й раніцы недалёка ад вёскі Крыніца Маладзечанскага раёна на аўтатрасе «Мінск — Маладзечна — Нарач» сутыкнуліся легкавы аўтамабіль «Фальксваген» і маршрутка, якая ехала ў сталіцу. Па сведчанні відавочцаў, сутыкненне было лабавым.

Людзі, якія ў гэты час ехалі міма ў аўтобусе на працу, расказалі, што бачылі не менш за чатыры машыны хуткай дапамогі і падраздзяленні ратавальнікаў МНС.

Kraj.by звязаўся з адным з кіроўцаў маршрутнага таксі. Ён распавёў:

— Гэта здарылася адразу за Крыніцай (прыкладна 5 км ад Маладзечна) у кірунку Мінска. Маршрутка ехала ў бок сталіцы і была поўная пасажыраў пад завязку, бо ў гэты час людзі едуць на працу. Белы легкавы аўтамабіль «Фальксваген» рухаўся з Мінска і раптам выехаў на паласу сустрэчнага руху, проста лоб у лоб маршрутцы. Кіроўца маршрутнага таксі стаў ухіляцца ад сутыкнення, але не паспеў. Удар прыйшоўся яму ў левае пярэдняе кола, якое вырвала разам са стойкай. Маршрутку развярнула на 90 градусаў, і яна легла на бок. Іншая маршрутка, якая выехала з маладзечанскага вакзала на Мінск а 06:58, ужо забірала пасажыраў з месца аварыі.

Кіроўцу, які быў за рулём маршрутнага таксі, завуць Аляксандр. Ён цалкам пацвердзіў аповед калег.

— Наколькі мне вядома, усе засталіся жывыя. У мяне пацярпелі каля пяці пасажыраў. У машыне «Фальксваген» я бачыў толькі кіроўцу. Па-мойму, ён ехаў адзін, і яго павезла хуткая дапамога.

— Як вы сябе адчуваеце?

— Я? Нармальна, — сказаў Аляксандр.

Прычыны і абставіны дарожна-транспартнага здарэння высвятляюць супрацоўнікі Дзяржаўтаінспекцыі.

Каментары

Памочнік гендырэктара мазырскага НПЗ памёр на працы. Нядаўна яго абвінавачвалі ў распаўсюдзе экстрэмізму2

Памочнік гендырэктара мазырскага НПЗ памёр на працы. Нядаўна яго абвінавачвалі ў распаўсюдзе экстрэмізму

Усе навіны →
Усе навіны

Стрыжак расказаў, як яго вербавалі спецслужбы25

Ізраіль нанёс удары па Емене «пасля дзевяці месяцаў бесперапынных нападаў»8

Зорка тыктоку Ліза Ветрава закрывае свой папулярны блог пра беларускую мову18

«Будзе адбывацца вымушаны, але ўсё большы паварот у бок Расіі». Сацыёлаг пра ўплыў новых санкцый на настроі беларусаў63

Рэдактар глыбоцкай раёнкі напісаў пра смецце ў горадзе, а пасля зразумеў, што падыгрывае «ворагам»14

«Яны кругласутачна стаяць?» На Нямізе людзі выстраіліся ў аграмезную чаргу — вось навошта ВІДЭА20

Кіеў атакаваў нейкі таямнічы дрон-камікадзэ. Што за ён?1

Былая беларуская спартсменка ўжо другі раз за жыццё памяняла спартыўнае грамадзянства9

Былы палітвязень спаліў свой беларускі пашпарт ВІДЭА22

больш чытаных навін
больш лайканых навін

Памочнік гендырэктара мазырскага НПЗ памёр на працы. Нядаўна яго абвінавачвалі ў распаўсюдзе экстрэмізму2

Памочнік гендырэктара мазырскага НПЗ памёр на працы. Нядаўна яго абвінавачвалі ў распаўсюдзе экстрэмізму

Галоўнае
Усе навіны →