Сілавікі затрымалі настаўніка, які «прымушаў школьніка зняць вайсковую форму»
Тэлеграм-канал ГУБАЗіКа апублікаваў відэа аб затрыманні мінскага настаўніка з 30-гадовым стажам. Паводле інфармацыі «Медыязоны», гаворка ідзе пра Аляксандра Шыдлоўскага.
На камеру мужчына кажа, што з'яўляецца праціўнікам ваенна-патрыятычнага выхавання школьнікаў і ў цэлым курсу краіны. Настаўнік кажа, што на ўрок прыйшоў дзевяцікласнік у вайсковай форме, і ён прымушаў яго зняць гэту форму.
Таксама ў роліку паказваюць скрыншоты паведамленняў з групы «Сумленныя настаўнікі Мінска і Мінскай вобласці».
«Проста мы развучыліся абараняцца. Не ведаю, як вы, я а ўжо даўно не здаю на падпіску, не займаюся ўсенавучам, не хаджу на ўсякія хакеі і іншыя забаўляльныя мерапрыемствы, не вяду платныя паслугі. І нічога, ніхто не звольніў, працягваю працаваць», — напісаў аўтар допісу.
Мінскаму бізнэсмену Саўрыцкаму і ягонай сям'і пагражае па 12 гадоў за «распальванне варожасці»2
Каментары
А тут прыйшоў замест школьнай формы ў вайсковай - арыштавалі настаўніка.