У Вільні збіраюць заяўкі ад тых, хто хоча аддаць дзяцей у беларускамоўныя школы
Ініцыятыва беларускіх бацькоў у Вільні запрашае ўсіх беларускіх бацькоў, якія хочуць, каб іхнія дзеці вучыліся на беларускай мове, а таксама тых, хто хоча падтрымаць праект адкрыцця новай школы, нават калі цяпер яшчэ не гатовы ў яе запісацца, падаць адпаведную заяўку.
1 верасня ў Віленскай беларускай гімназіі імя Францыска Скарыны. Фота ілюстрацыйнае
З 1 па 31 сакавіка ахвотным бацькам можна падаць заяўку на наступны навучальны год для свайго дзіцяці ў муніцыпальнай сістэме рэгістрацыі з пазнакай «Мова — беларуская», «Школа — гімназія імя Ф. Скарыны».
На гэтым этапе перамоў з самакіраваннем Вільні для адкрыцця новых класаў і школы сістэме трэба бачыць рэальную колькасць заявак. Справа цяпер за бацькамі.
Ініцыятыва беларускіх бацькоў, са свайго боку, за паўгода свайго існавання зрабіла наступнае:
- сабрала 1000 подпісаў за другую беларускую школу ў Вільні;
- стварыла спіс патэнцыйных вучняў і настаўнікаў;
- сустрэлася і перадала заяўку аб адкрыцці школы віцэ-мэру Вільні;
- сустрэлася і вядзе перамовы з віцэ-мэрам Вільні адносна дадатковых паралеляў у наяўнай беларускай гімназіі, беларускіх групаў у дзіцячым садку і асобнага будынка пад школу;
- сустрэлася з шэрагам іншых ключавых палітыкаў горада Вільні і Віленскага раёна, лабіруючы гэта пытанне;
- сустрэлася з адміністрацыяй школы імя Скарыны і вядзе перамовы па пашырэнні;
- сустрэлася з адміністрацыямі польскіх школ у Вільні адносна абмену вопытам;
- склала і працуе над пашырэннем спісу вольных памяшканняў пад школу;
- лабіруе замову копій усіх новых падручнікаў пасля рэформы на беларускай мове (дазволена заканадаўствам) у Міністэрстве асветы Літвы.
«Беларуская мова як бы на падкорцы». Блогерка абурылася, што яе сына не вучаць роднай мове ў школе
«Пачаў у вольны час думаць па-беларуску». Беларусы, якія дзесяцігоддзямі жывуць у эміграцыі, расказалі, як страцілі і аднаўлялі сувязь з беларушчынай
«Родная мова — мова майго роду і маёй краіны». Ці можа ў чалавека быць роднай тая мова, на якой ён не размаўляе?
«Хай хто-небудзь ужо нарэшце скажа: трэба вывучаць беларускую як замежную мову»
Хто тая жанчына, якую Марзалюк у эфіры БТ абазваў «шваллю з Гродна», і што яна піша ў чатах? Расказваем пра доктарку Стэфановіч10
Каментары