Белы дом разглядае новую ядзерную дактрыну Расіі як працяг рыторыкі, характэрнай для РФ на працягу апошніх двух гадоў.
Адміністрацыя ЗША, не «назіраючы ніякіх змен у пазіцыі Расіі па ядзернай зброі, не бачыць ніякіх прычын для карэкціроўкі амерыканскай пазіцыі і дактрыны ў адказ на сённяшнія заявы Расіі», заявіў у аўторак афіцыйны прадстаўнік Белага дома, піша «Голас Амерыкі».
«Мы не былі здзіўленыя заявай Расіі аб тым, што яна абновіць сваю ядзерную дактрыну… Гэта больш падобна на тую ж безадказную рыторыку з боку Расіі, якую мы бачым цягам апошніх двух гадоў. Як мы сказалі Расіі некалькі тыдняў таму, выкарыстанне Расіяй салдатаў КНДР у баявых дзеяннях супраць Украіны ўяўляе сабой значную эскалацыю яе вайны супраць Украіны, і мы папярэджвалі, што Злучаныя Штаты [на яе] адкажуць», — падкрэсліў прадстаўнік Белага дома.
Раней пра безадказнасць рашэнняў Крамля заявіў прадстаўнік прэм'ер-міністр Вялікабрытаніі Кір Стармер.
«Было б справядліва сказаць, што гэта апошні прыклад безадказнасці, які мы ўбачылі з боку разбэшчанага расійскага ўрада, і мы па-ранейшаму цвёрда падтрымліваем Украіну», — сказаў ён, выступаючы перад журналістамі.
Пуцін падпісаў указ «Аб зацвярджэнні Асноў дзяржаўнай палітыкі РФ у галіне ядзернага стрымлівання», які быў апублікаваны на дзяржаўным сайце РФ і адразу ж уступіў у сілу.
На гэты крок Масква пайшла праз некалькі дзён пасля таго, як стала вядома, што Белы дом даў Украіне дазвол на запуск ракет амерыканскай вытворчасці ўглыб расійскай тэрыторыі.
Чым цяпер жыве гераіня стылёвага фота з Маршу жанчын 2020-га9
Каментары