Сілавікі прыйшлі ў мінскую прыватную кінастудыю «Белраскіно», якая здымае расійскую прапаганду
Пра тое, што сілавікі прыйшлі ў студыю, якая займаецца вытворчасцю расійскага прапагандысцкага праекта Russian Gate, паведаміў тэлеграм-канал «Свяшчэнны Белавуд». Інфармацыю каналу пацвердзілі супрацоўнікі кампаніі і іх знаёмыя.
На студыі быў затрыманы Павел Грыцэнка, ён адказваў у кампаніі за фінансавыя пытанні.
Яшчэ праз данос арыштавалі некалькі супрацоўнікаў і акцёраў масавых сцэнаў.
Таксама раней затрымлівалі іншых супрацоўнікаў кампаніі. Яны трапілі на Акрэсціна, дзе ім далі 14-15 сутак адміністратыўнага арышту па артыкуле «Хуліганства». Большасць з іх адбыла тэрмін і выйшла на волю.
Праект Russian Gate — гэта серыял, у якім адлюстраванае крамлёўскае бачанне актуальных геапалітычных працэсаў. Ён з мінулага лета здымаецца ў некалькі краінах. У Беларусі яго вытворчасцю займалася студыя «Белраскіно», якой валодаюць Вольга і Яўген Арандарэвічы. Апошні мае сувязі з сынам Лукашэнкі, Віктарам.
«Вялікі абсалютна чалавек». Коля Лукашэнка расказаў, што для яго бацька і ў чым ягоная апазіцыйнасць32
Каментары
https://d3kcf2pe5t7rrb.cloudfront.net/336194"