На сустрэчы з журналістамі Віцебскай вобласці кіраўнік Белтэлерадыёкампаніі адказаў на пытанне, ці сталі людзі больш давяраць беларускім афіцыйным СМІ, піша БелТА.
«Судзячы па тых звестках, якія мы атрымліваем ад сацыёлагаў, ужо больш за 50% насельніцтва давярае дзяржаўным СМІ. Я не стаўлю гэтыя 50 з лішнім працэнтаў пад сумнеў, бо мы бачым рэальныя паказчыкі на недружалюбных да нас платформах, бачым вялікі рост даверу за апошнія гады», — падкрэсліў старшыня Белтэлерадыёкампаніі.
Іван Эйсмант расказаў, чаму людзі давяраюць беларускім СМІ.
«Мы можам памыляцца, у нас можа быць свой погляд на нейкія рэчы, які камусьці не падабаецца, але я не магу ўявіць,
каб я або мае калегі-кіраўнікі іншых сродкаў масавай інфармацыі паклікалі якога-небудзь супрацоўніка і сказалі: «Гэта не мела месца, але ты павінен зрабіць рэпартаж пра тое, што гэта было».
Нашы апаненты гэтым займаюцца на сістэмнай аснове. Таму мы ў іх і выйграем», — дадаў старшыня Белтэлерадыёкампаніі.
Як цяпер выглядае палітзняволены Юрась Зянковіч. Ён не ў робе, а ў цывільным касцюме11
Каментары