Зараз Руслана Панчышына знаходзіцца ў сямёрцы ўдзельнікаў, аднак яна намінаваная на вылет.
18-гадовая беларуска Руслана Панчышына ўдзельнічае ў 12 сезоне музычнага рэаліці-шоу Operacion Triunfo, які з'яўляецца іспанскай версіяй папулярнай «Фабрыкі зорак», піша «Камсамолка».
Панчышына расла ў Беларусі, аднак разам з сям'ёй даўно пераехала на Тэнэрыфэ ў Іспанію. Цяпер беларуска жыве і вучыцца ў Іспаніі. З дзяцінства яна пачала спяваць. Акрамя таго, яна выступае ў групах, захапляецца бас-гітарай. З музычных стыляў ёй падабаюцца R&B, рок, соул. Панчышына брала ўдзел у больш чым 30 музычных праектах у Польшчы, Францыі, Германіі, Іспаніі. А ў Беларусі яна брала ўдзел у адборах на дзіцячае «Еўрабачанне».
Зараз Руслана знаходзіцца ў сямёрцы ўдзельнікаў, аднак яна намінаваная на вылет. Ці застанецца беларуска ў праекце стане вядома падчас канцэрта 12 лютага.
Фінал праекта адбудзецца ў канцы лютага. На праслухоўванне прыйшлі больш за 13 тысяч чалавек, з якіх выбралі 18 удзельнікаў. Удзельнікі навучаюцца вакалу, танцам сцэнічнаму майстэрству, а кожны тыдзень праходзяць справаздачныя канцэрты.
Пераможца праекта атрымае 100 тысяч еўра.
Як мучылі Ціля Швайгера і цэнтры гарадоў, каб стварыць карцінку для судзімага за махлярства пратэжэ Дзмітрыя Баскава10
Каментары