Грамадства3434

Лукашысты збіраюцца змагацца з VPN і ананімайзерамі

У рамках мер па «супрацьдзеянні кіберзлачынствам» улады рыхтуюцца рабіць «фільтрацыю» і дэананімізацыю інтэрнэту — у тым ліку для таго, каб ускладніць грамадзянам доступ да незалежных інфармацыйных рэсурсаў. Адпаведны дакумент знайшло на школьным сайце выданне «Флагшток».

Большасць недзяржаўных грамадска-палітычных выданняў і так заблакаваныя на тэрыторыі краіны, аднак зайсці на іх старонкі можна з дапамогай VPN-сэрвісаў. Выглядае, што ўлады маюць намер з гэтым змагацца.

Гэты дакумент беларускага ўрада афіцыйна не публікаваўся, але дзіўным чынам апынуўся на сайтах школ, піша «Флагшток».

Дакумент пад назвай «комплексны план мерапрыемстваў, накіраваных на прыняцце эфектыўных мер па супрацьдзеянні кіберзлачынствам, прафілактыцы іх здзяйснення, павышэнню лічбавай пісьменнасці насельніцтва на 2024-2025 гады» зацверджаны ў лістападзе 2023 года віцэ-прэм'ерам Пятром Пархомчыкам.

Аналагічныя планы прымаліся і ў мінулыя гады. Аднак, у адрозненне ад папярэдніх падобных дакументаў, у новым з'явіўся дадатковы пункт:

«Вывучэнне магчымасці распрацоўкі і ўкаранення сістэмы праверкі сеткавых пакетаў па змесце (dpi-сістэма) з мэтай рэгулявання і фільтрацыі трафіку для эфектыўнага супрацьдзеяння выкарыстанню ананімайзераў, VPN і проксісервераў у супрацьпраўных мэтах у беларускім сегменце сеткі інтэрнэт».

Выкананне гэтай задачы ўскладзена на Мінсувязі, МУС, КДБ, ААЦ і «іншыя зацікаўленыя органы і арганізацыі».

Сістэма DPI (Deep Packet Inspection) — тэхналогія назапашвання статыстычных даных, праверкі і фільтрацыі сеткавых пакетаў па іх змесціве. DPI-сістэма дазваляе вызначаць і фіксаваць, на якія сайты і ў якія праграмы заходзіў карыстальнік.

«Флагшток» звярнуўся па каментар з нагоды перспектыў укаранення dpi-сістэмы да профільнага спецыяліста:

«Новаўвядзенні, імаверна, будуць тычыцца беларускіх інтэрнэт-правайдараў. За гэтым відаць намер абмежаваць трафік беларускіх карыстальнікаў на забароненыя рэсурсы праз блакаванне VPN. У Расіі такое ўжо пачалі рэалізоўваць. Там ёсць спіс VPN-сэрвісаў, доступ да якіх забаронены. Гэта, відаць, будзе зроблена і ў Беларусі».

Чытайце таксама:

Стаў платным самы папулярны ў беларусаў VPN. Але пакуль не для ўсіх

У Расіі стварылі «Таварыша маёра» для выяўлення адміністратараў тэлеграм-каналаў

Як уласнымі рукамі стварыць VPN-сервер, які цяжка будзе заблакаваць — падрабязны гайд

Як чытаць незалежныя СМІ і не падстаўляцца — падрабязны гайд

Каментары34

  • ПЯТРО
    22.01.2024
    Этого следовало ожидать. Будет перениматься китайский опыт. Остается гадать, превратят Беларусь в Синьцзян или нет.
  • Горностай
    22.01.2024
    Думаю, если б это было возможно, то это сделали бы немедленно ещё в 2020. Многие VPN были разработаны специально для жителей КНР. И если там власти бессильны каким то образом эффективно бороться с этими системами, думаю и у нас это будут только попытки. Разве что будут проверять телефоны и штрафовать тех, у кого найдут эти приложения.
  • Дешевое бухло
    22.01.2024
    Еще 200 тыс. человек уедет из Синеокой. Делов то!

Работніцы суда пагражае да 12 гадоў за «заклікі да санкцый і абразу Лукашэнкі»

Работніцы суда пагражае да 12 гадоў за «заклікі да санкцый і абразу Лукашэнкі»

Усе навіны →
Усе навіны

Высветлілася, што пад Масквой патануў кіраўнік дэлегацыі вайскоўцаў КНДР

Рабочаму з Баранавічаў далі год за лайкі пад карыкатурамі на Лукашэнку. Цяпер пагражае яшчэ да 12 гадоў2

Замах на Дональда Трампа планаваў Іран — CNN9

Мінэнерга паведаміла пра аднаўленне электразабеспячэння Мазыра1

Мазырская вертыкальшчыца далажыла пра аднаўленне водазабеспячэння. У каментарах ёй пярэчаць

Ад сёння Літва мае намер увесці абмежаванні на ўезд аўто з беларускімі нумарамі28

Мінскае «Дынама» на апошніх хвілінах прабілася ў другі раўнд кваліфікацыі Лігі чэмпіёнаў ВІДЭА1

Расійскі шахед выбухнуў за 55 км ад Бабруйска22

Паслабленні для беларускіх турыстаў уводзіць Тайланд

больш чытаных навін
больш лайканых навін

Работніцы суда пагражае да 12 гадоў за «заклікі да санкцый і абразу Лукашэнкі»

Работніцы суда пагражае да 12 гадоў за «заклікі да санкцый і абразу Лукашэнкі»

Галоўнае
Усе навіны →