Прапагандыст Рыгор Азаронак пагаварыў пра будучыя выбары са старшынёй Цэнтральнай выбарчай камісіі Ігарам Карпенкам. У тым ліку спытаў, навошта Карпенка сустракаўся з сілавікамі і ці будуць яны прадстаўлены ва Усебеларускім народным сходзе.
Ігар Карпенка нядаўна сустракаўся з байцамі вайсковай часці 3214.
«Па законе ваеннаслужачыя і партыі — гэта розныя рэчы. Тым не менш, у жыцці мы бачым, што ад іх у тым ліку палітычнай пазіцыі ў 2020 годзе шмат залежала. Як яны выйдуць, як прадэманструюць сябе, якія словы гаварылі нашы сілавікі і гэтак далей. Магчыма, УНС (Усенародны беларускі сход. — НН) дасць ім магчымасць сваю дзяржаўную, жалезную, прапрэзідэнцкую пазіцыю выказаць і абараняць?» — задаў пытанне Азаронак.
Карпенка пагадзіўся і адзначыў: «Мы павінны ўспрымаць ваеннаслужачых, прадстаўнікоў сілавых структур як грамадзян Рэспублікі Беларусь».
Як патлумачыў Карпенка, з сілавікамі яны сустракаліся як з шараговымі выбарцамі, а не прасілі ў іх дапамогі правесці выбары. У гэтым «нічога новага і асаблівага няма», заявіў ён, бо падобныя сустрэчы праводзяцца з дактарамі і настаўнікамі.
Як тлумачыць Карпенка, па новым выбарчым заканадаўстве, у ЦВК зʼявілася новая функцыя — «удзел у арганізацыі і метадычнае суправаджэнне асветнай дзейнасці, фармаванне прававой культуры маладых грамадзян у сферы выбарчага права і выбарчых тэхналогій».
У гэтым напрамку ЦВК, па словах яе старшыні, актыўна працуе: «У нас зʼявіліся такія грамадскія структуры, як моладзевая рада пры ЦВК. Цяпер ідзе фармаванне экспертнай рады пры ЦВК. Гэта гаворыць пра тое, што мы дастаткова адкрытая структура і ўзаемадзейнічаем з грамадзянамі, у тым ліку выбарцамі.
Мы таксама вядзем прыём грамадзян, адказваем на пытанні ў рамках сваёй кампетэнцыі. У нас будзе працаваць інфармацыйны цэнтр ЦВК 24-26 лютага, прамая тэлефонная лінія. Таму гэта звычайная работа ЦВК у адпаведнасці з заканадаўствам.
І дакладна мы не ездзілі прасіць дапамагчы правесці выбары. Выбары арганізуе тая сістэма камісій, якімі мы кіруем у адпаведнасці з заканадаўствам».
Чытайце яшчэ:
Карпенка — вайскоўцам: Мы павінны паставіць заслон знешняму ўмяшанню ў перыяд электаральных кампаній
«Могуць прыехаць». Карпенка пракаментаваў адсутнасць выбарчых участкаў за мяжой
-
Вячорка: Сярод заходніх палітыкаў існуе жаданне хутчэй скончыць вайну любой цаной. І гэтай цаной можа стаць Беларусь
-
Як мучылі Ціля Швайгера і цэнтры гарадоў, каб стварыць карцінку для судзімага за махлярства пратэжэ Дзмітрыя Баскава
-
Аліну Коўшык спыталі, чаму галоўнай рэдактаркай «Белсата» стала яна, а не Аляксей Дзікавіцкі
Як мучылі Ціля Швайгера і цэнтры гарадоў, каб стварыць карцінку для судзімага за махлярства пратэжэ Дзмітрыя Баскава12
Каментары
Пора, в узаконенном беззаконии, норму прописать, что правом голоса обладают только сотрудники мвд, совмина, ап, кгб, оац, мо....
Тогда всё честно будет.