Наземная аперацыя Ізраіля ў Газе можа быць адкладзеная або зусім не адбыцца — СМІ
Пры гэтым Армія абароны Ізраіля цалкам гатовая да аперацыі.
Ізраільскія танкі. Фота: Ariel Schalit / AP Photo
Наземная аперацыя Ізраіля ў сектары Газа можа быць адкладзеная на працяглы перыяд або зусім не адбыцца. Пра гэта паведаміла газета The Times of Israel.
Паводле выдання, ізраільскія вайскоўцы асцерагаюцца, што ў сувязі з вызваленнем закладнікаў радыкальным палесцінскім рухам ХАМАС палітычнае кіраўніцтва краіны можа не прыняць адпаведнага рашэння або значна зацягнуць з ім.
Пры гэтым у Арміі абароны Ізраіля заявілі, што цалкам гатовыя да сухапутнай аперацыі і дасягнення пастаўленых задач у сектары Газа пасля нанясення больш чым 550 ракетных удараў на працягу 16 дзён.
Каментары