Ісмаіл Ханія жыве ў Катары, але шмат часу праводзіць у Турцыі — там ён знаходзіўся і ў момант нападу ХАМАС на Ізраіль.
Турцыя «ветліва папрасіла» кіраўніка палітбюро ХАМАС пакінуць краіну. Улады Турцыі прынялі такое рашэнне пасля з'яўлення ў сацсетках відэа, на якім Ханія і іншыя прадстаўнікі кіраўніцтва ХАМАС «узносяць малітву падзякі» пры праглядзе навін аб нападзе на Ізраіль, паведамляе «Медуза» са спасылкай на выданне Al Monitor.
Пры гэтым хоць Турцыя, імаверна, і спрабуе дыстанцыявацца ад ХАМАС, яна не збіраецца рабіць больш строгай сваю пазіцыю ў дачыненні да гэтай групоўкі настолькі, наколькі гэтага хацелася б заходнім краінам. У кіраўніцтве ХАМАС, як адзначае выданне, таксама, як відаць, не лічаць рэакцыю турэцкіх уладаў праблемай.
21 кастрычніка ў Рэджэпа Таіпа Эрдагана адбылася тэлефонная размова з Ісмаілам Ханія. Эрдаган распавёў Ханія пра спробы Анкары дамагчыся рэжыму спынення агню, арганізацыі дастаўкі гуманітарнай дапамогі ў Газу, а таксама паведаміў пра магчымасць лячыць параненых палесцінцаў у Турцыі.
Закаханыя ў Мінску хацелі сабраць з падпісчыкаў $10 тысяч на вяселле мары. Колькі ж у выніку ім заданацілі?15
Каментары