Прапагандысты раскрылі яшчэ адну тугу эмігранта — па гаспадарчым мыле
Гомельскі тэлеканал зрабіў сюжэт пра адкрыццё «самага маленькага помніка» Беларусі — гаспадарчаму мылу.
Як гаворыцца ў сюжэце, мыла, якое робіць Гомельскі тлушчавы камбінат больш за 90 гадоў, карыстаецца вялікай папулярнасцю. Кожны месяц тлушчавы камбінат вырабляе да 300 тон гэтай прадукцыі. Мыла карыстаецца вялікім попытам у Беларусі, яго пастаўляюць у Расію і Казахстан, распавядаюць у сюжэце.
«А ў верасні партыя такога мыла была адгружаная ў ЗША — нашы былыя суайчыннікі, якія жывуць за акіянам, сумуюць па старым добрым савецкім мыле», — гаворыць аўтарка сюжэта.
Таксама ў сюжэце нагадваюць, што патрэба ў мыле вялікая не толькі ў мірны час, але і ў ваенны. «Таму я лічу, што яно будзе жыць яшчэ доўга», — кажа ветэран прадпрыемства Зінаіда Чабатарова.
«Я павінен пазваніць нашаму куратару». Як завозілі мігрантаў у Беларусь — цікавыя дэталі з перахопленых тэлефонных размоў4
Каментары