Свет2828

Напад ХАМАС на Ізраіль. Па ўсёй тэрыторыі краіны ўведзена надзвычайнае становішча

Атака ХАМАС у суботу раніцай стала найбуйнейшай за апошнія гады. З 6:29 у цэнтры і на поўдні Ізраіля былі чутныя сірэны, якія папярэджваюць аб ракетных абстрэлах, і выбухі. Адначасова з ракетным абстрэлам узброеныя баевікі змаглі перасекчы мяжу Ізраіля на некалькіх участках і захапіць сем гарадкоў і пасёлкаў. Міністр абароны Ізраіля абвясціў пра масавы прызыў рэзервістаў.

Паліцэйскія эвакуююць жанчыну і дзіцем у Ашкелоне пасля ракетнай атакі з сектара Газа, у суботу, 7 кастрычніка 2023 года. Фота: Tsafrir Abayov / AP

Армія абароны Ізраіля прыведзеная ў баявую гатоўнасць у адказ на ракетны абстрэл з боку сектара Газа і пранікненне баевікоў у памежныя раёны, піша РБК.

Міністр абароны Ёаў Галант абвясціў пра масавы прызыў рэзервістаў.

Вайскоўцы заклікалі жыхароў паўднёвых і цэнтральных раёнаў заставацца ў сховішчах. «Начальнік Генеральнага штаба праводзіць ацэнку сітуацыі і зацвярджае планы працягу дзеянняў ЦАХАЛ», — гаворыцца ў заяве арміі.

У першапачатковай справаздачы Арміі абароны Ізраіля (ЦАХАЛ) гаварылася, што некалькі тэрарыстаў пранікла на ізраільскую тэрыторыю з сектара Газа.

«Жыхароў раёна, які прылягае да сектара Газа, папрасілі заставацца ў сваіх дамах», — гаворыцца ў заяве арміі.

Затым ЦАХАЛ заявіў: «Ізраільцяне па ўсёй краіне прачнуліся ад гуку сірэн і ракетнага абстрэлу ХАМАС з Газы гэтай раніцай. Мы будзем абараняцца».

Канцылярыя прэм'ер-міністра Ізраіля Біньяміна Нетаньяху паведаміла, што павінна адбыцца сустрэча кіраўнікоў службаў бяспекі.

Масіраваны абстрэл Ізраіля працягваецца з 7 раніцы па мясцовым часе (супадае з мінскім); улады ўсклалі адказнасць на палесцінскі ісламісцкі рух ХАМАС. Некалькі чалавек атрымалі раненні, адна жанчына памерла.

Рух ХАМАС абвясціў пра пачатак ваеннай аперацыі супраць Ізраіля пад назвай «Паводка Аль-Акса».

У сваёй заяве Мухамед ад-Дэйф, кіраўнік ваеннага крыла ХАМАС, абвінаваціў ізраільскі бок у акупацыі і «неаднаразовых уварваннях у мячэць Аль-Акса».

Па сцвярджэнні ХАМАС, па ізраільскіх пазіцыях было выпушчана больш за 5 тысяч ракет і снарадаў.

***

10:24

Міністр абароны Ізраіля заявіў, што рух ХАМАС абвясціў яго краіне вайну, ізраільскія войскі вядуць баі з праціўнікам.

11:00

ЦАХАЛ назваў аперацыю ў Газе «Жалезныя мячы»

«Дзясяткі знішчальнікаў ВПС цяпер атакуюць цэлі тэрарыстычнай арганізацыі ХАМАС у сектары Газа», — гаворыцца ў заяве Арміі Ізраіля.

ЦАХАЛ зафіксаваў больш за 2200 запускаў ракет па тэрыторыі Ізраіля.

Бальніца «Сарока» паведамляе пра 80 параненых рознай ступені цяжкасці. Некаторыя з пацярпелых знаходзяцца «ў вельмі цяжкім стане», гаворыцца ў заяве медыцынскага цэнтра.

У сваю чаргу баевікі ХАМАС публікуюць відэа захопленых у палон ізраільцянаў. Сцвярджаецца, што ў палон папалі каля 35 чалавек. Акрамя таго, ХАМАС публікуе кадры з захопленай ізраільскай вайсковай базы, дзе вайскоўцаў расстралялі ў казарме, калі яны спалі.

11:30

Баевікі ХАМАС увайшлі ў ізраільскія гарады Ашкелон і Сдэрот

Скрыншот відэа

Ашкелон знаходзіцца на беразе Міжземнага мора за 7 км ад мяжы сектара Газа.

Жыхары выкладваюць відэа, як у суботу раніцай ісламісты патрулююць з аўтаматамі плошчу ў цэнтры горада. Таксама з'яўляюцца кадры баевікоў на вуліцах ізраільскага горада Сдэрот за 3 км ад Газы.

«Раней такога маштабнага нападу ХАМАС на Ізраіль ніколі не было. Тэрарысты захапілі цэнтр ізраільскага горада Ашкелон (7 км на поўнач ад Газа) пасля прарыву з сектара. Сдэрот таксама, мяркуючы па ўсім, часткова знаходзіцца пад кантролем ХАМАС. Гэта азначае вайну», — піша вайсковы аналітык BILD Юльян Рэпке.

11:45

Армія абароны Ізраіля пацвердзіла, што ХАМАС захапіў сем ізраільскіх гарадкоў і пасёлкаў каля сектара Газа

На карце паказана, як баевікі праніклі на тэрыторыю Ізраіля.

12:15

Прэм'ер-міністр Ізраіля Біньямін Нетаньяху выступіў са зваротам наконт апошніх падзей

Ён заявіў: «Грамадзяне Ізраіля, мы ў стане вайны. Не аперацыі, не перастрэлкі. Вайны».

Ён запэўніў, што ХАМАС «заплаціць» за сённяшні напад.

Нетаніягу паведаміў, што распарадзіўся «зачысціць памежныя населеныя пункты ад тэрарыстаў» і «правесці мабілізацыю рэзервістаў».

Кіраўнік урада заклікаў грамадзян Ізраіля падпарадкоўвацца указаннем арміі і кіравання тылам, піша newsru.co.il.

12:45

Баевікі ХАМАС знішчылі ізраільскі танк Merkava Mk4, скінуўшы боепрыпасы з дрона

Раней Merkava Mk4 ў Ізраілі называлі самым незнішчальным танкам. За мяжу яго не прадавалі.

12:51

Папярэднія звесткі аб ахвярах

У Ізраілі забітыя ня менш за 22 чалавекі, каля 300 параненых.

Колькасць захопленых ізраільцян, якіх вывезлі ў Газу, невядомая. Крыніцы ў Газе заяўлялі пра 35 палонных.

Але гэтыя звесткі не пацверджаныя канчаткова і не з'яўляюцца афіцыйнымі, піша newsru.co.il.

Ізраільскі салдат стаіць ля целаў ізраільцян, забітых палесцінскімі ўзброенымі баевікамі, якія праніклі з сектара Газа, у паўднёвым ізраільскім горадзе Сдэрот. Фота: Tsafrir Abayov / AP

13:44

На ўсёй тэрыторыі Ізраіля ўведзена надзвычайнае становішча

Міністр нацыянальнай бяспекі Ітамар Бэн-Гвір адзначае, што ўвядзенне рэжыму надзвычайнага становішча дасць паліцыі дадатковыя паўнамоцтвы.

Таксама прынята рашэнне аб прызыве добраахвотнікаў-паліцэйскіх.

14:47

Армія абароны Ізраіля (ЦАХАЛ) працягвае правядзенне аперацыі «Жалезныя мячы», наносячы ўдары па ваенных аб'ектах у сектары Газа.

ЦАХАЛ заяўляе, што на гэты момант атакаваныя 17 ваенных комплексаў і чатыры аператыўныя штабы ХАМАС у розных раёнах сектара Газа.

Тым часам ракетныя абстрэлы з Газы працягваюцца, піша newsru.co.il.

Каментары28

  • Меч
    07.10.2023
    Пуцін камандуе Запасам, няўжо яшчэ ёсць пытанні?
  • Павел
    07.10.2023
    В Ашкелоне никаких палестинцев не было ! Ложь !
  • Дональд
    07.10.2023
    Думаю расейцы палестынцаў падбухторылі каб адцягнуць увагу ад вайны з Украінай

Банкі зніжаюць прыбытковасць па валютных дэпазітах да 0,1%. Тлумачым матэматыку

Банкі зніжаюць прыбытковасць па валютных дэпазітах да 0,1%. Тлумачым матэматыку

Усе навіны →
Усе навіны

Камароўскі рынак ператварыўся ў сапраўднае мора ВІДЭА6

Сілавікі ў Брэсце затрымалі дырэктара кампаніі за ўдзел у пратэстах у жніўні 2020 года

У Мінску з-за патопу закрылі станцыю метро «Парк Чалюскінцаў» ВІДЭА

«У Беларусі маю музыку рэкламавала КДБ, а ў Польшчы — паліцыя». Банцар пракаментаваў сваё затрыманне ў Варшаве9

Літва развярнула на мяжы больш за 20 машын з Беларусі — у тым ліку з грамадзянкай Літвы за рулём5

Мінск сёння пайшоў пад ваду ФОТЫ13

Амерыканец у 14 гадоў стаў самым маладым футбалістам у гісторыі Амерыканскай футбольнай лігі

«Рыхтуюцца да вайны, а генератары не ў стане купіць». Што расказваюць пра сітуацыю ў Мазыры мясцовыя жыхары3

Зямля ўвайшла ў метэорны паток Персеідаў. Дзе і калі пабачыць гэту незямную прыгажосць?

больш чытаных навін
больш лайканых навін

Банкі зніжаюць прыбытковасць па валютных дэпазітах да 0,1%. Тлумачым матэматыку

Банкі зніжаюць прыбытковасць па валютных дэпазітах да 0,1%. Тлумачым матэматыку

Галоўнае
Усе навіны →