«Яны — абслуга. Лёкаі. Ніжэйшыя чыны». Азаронак даў волю «пралетарскай нянавісці» да айцішнікаў і ўсёй «сферы паслуг»
Прапагандыст Рыгор Азаронак у сваёй чарговай калонцы ў «Мінскай праўдзе» абліў брудам айцішнікаў і супрацоўнікаў сферы паслуг. Ëн супрацьпаставіў ім тых, да каго сам не належыць.
«Яны — абслуга. Лёкаі. Ніжэйшыя чыны… Яны павінны быць найбольшымі жабракамі, а не грэбці, незразумела за што, бабло лапатамі, як гэта адбываецца цяпер. Быць «ойтишником» павінна быць сорамна… Гэтым павінны палохаць дзяцей, калі не будуць урокі вучыць».
Разам з айцішнікамі патрапілі пад раздачу і іншыя людзі разумовай працы, нянавісць да якіх Азаронак выдае ў эфір у самых хамскіх выразах, на якія толькі здольны. Асаблівы гнеў у яго выклікаюць публічныя асобы, якія «ўяўляюць, што іх думка — ісціна ў апошняй інстанцыі».
Але ў той жа час Азаронак заклікае:
«Прыгледзьцеся да іншых твараў. Да тых людзей, якія сустракаюцца з прэзідэнтам. У палях. Ля камбайнаў, у пыле жніва… Гэта — аснова жыцця. Яны — на чале. Рабацягі, лекары, настаўнікі».
Тое, што характар ягонай асабістай працы вельмі далёкі ад працы гэтых нібыта шанаваных ім людзей і куды бліжэйшы — формай, а не зместам — да працы тых людзей, адносна якіх ён заклікае «ўспомніць, што такое класавая нянавісць», прапагандыста анічуць не бянтэжыць.
«Дамоклаў Меч». Канал «Белорусскій сіловік» настолькі прарасійскі, што многія меркавалі, што гэта расіяне яго вядуць. Не, за ім стаіць суперагент Лукашэнкі25
Каментары