Выведзены ў Беларусі новы сорт бульбы назвалі ў гонар расійскага маркетплэйса
Навукова-практычны цэнтр Нацыянальнай акадэміі навук Беларусі па бульбаводстве і плодаагародніцтве вывеў і зарэгістраваў новы гатунак бульбы. Яму далі назву «Вайлдберыз» — у гонар папулярнага ў Беларусі расійскага маркетплэйса.
Пра тое, што ў Беларусі назвалі бульбу ў гонар яе бізнэс-праекта, паведаміла ў сваім тэлеграм-канале заснавальніца Wildberries Таццяна Кім. Такі падарунак, па яе словах, яна атрымала ад навукоўцаў з Беларусі на дзень нараджэння.
Гэты сорт бульбы — фіялетавага колеру. На сертыфікаце напісана, што ён мае высокую патэнцыйную ўраджайнасць — ад 50 тон з 1 га. Таксама ён нібыта вылучаецца вялікім утрыманнем крухмалу — да 18,9%.
У характарыстыках бульбы пазначаны добрыя смакавыя якасці, а таксама прызначэнне — сталовы сорт для здаровага (функцыянальнага) харчавання.
Каментары