У Асіповіцкім раёне кіроўца чакаў на аварыйцы ДАІ, а ў ягоны аўтамабіль урэзалася іншая машына
Аварыя адбылася сёння днём на 77-кіламетры аўтадарогі М-5 «Мінск-Гомель», паведамляе магілёўская ДАІ. Спачатку легкавік зачапіў агароджу, а пакуль кіроўца чакаў ДАІ, у пацярпелае аўто ўрэзаўся іншы аўтамабіль. У выніку загінуў чалавек.
63-гадовы кіроўца машыны Lada падчас абгону зачапіў тросавую агароджу, якая падзяляе транспартныя патокі. Пасля гэтага мужчына выставіў знак аварыйнага прыпынку, патэлефанаваў у міліцыю і стаў чакаць супрацоўнікаў ДАІ.
У гэты час 41-гадовы кіроўца машыны Peugeot пры манеўраванні ўрэзаўся ў аўтамабіль, які стаяў на праезнай частцы. Паміж гэтымі двума ДТЗ прайшло ўсяго некалькі хвілін.
У выніку 63-гадовая жонка кіроўцы Lada, якая знаходзілася на заднім сядзенні, загінула на месцы ДТЗ.
Цяпер заведзеная крымінальная справа за парушэнне ПДР, якое пацягнула па неасцярожнасці смерць чалавека.
-
У Смаргоні п'яны хлопец так засмуціўся, што ва ўсіх машыны ёсць, а ў яго няма, што разбіў 9 аўто і заснуў у адной з іх
-
Стала вядома прычына смерці мужчыны, цела якога некалькі дзён праляжала ў прыпаркаванай машыне ў Мазыры
-
Расійская журналістка загінула ў гатэлі ў Ташкенце: яна задыхнулася балотным газам у сваім нумары
Каментары