У тыктоку з'явілася відэа з дваровай тэрыторыі новага ЖК «Паўночны бераг». Каментатары параўналі яго з Варшавай і Новай Баравой. Увагу на ролік звярнуў CityDog.
Усе двары абгароджаныя і зачыненыя — старонні туды трапіць не можа. Уваходы ў пад'езды, па словах аўтара відэа, можна наладзіць па ідэнтыфікацыі асобы.
Аўтар роліка таксама захапляецца і добраўпарадкаваннем двара — дзіцячымі пляцоўкамі і азеляненнем.
Яшчэ з таго, што можа спадабацца жыхарам, — крытая пляцоўка-стаянка для байкаў і ровараў, стацыянарная помпа, зарадка для электрамабіляў.
Што думаюць каментатары?
У каментарах беларусы параўноўваюць новы ЖК з комплексамі ў Варшаве і з Новай Баравой, пішуць, што «прыгожа, чыста, зручна і хочацца там жыць».
Аднак ёсць і крытычныя каментары:
- «Прыгожа, але судзіць пакуль рана. З плюсаў, што гэта вялізная малапавярховая забудова. З мінусаў — гэта хуткасць будаўніцтва».
- «Ужо двары агароджваюць. Трызненне ж поўнае. Часам людзям скараціць дарогу трэба праз двары, але не, абгародзім ад невядома каго і чаго».
- «У мяне не заўсёды тэлефон на твар рэагуе, калі я пасля гулянкі, калі будзе такая пятрушка з пад'ездам, то будзе фіяска».
- «Гулялі ў новым парку… Раён прыгожы, калі-небудзь, не хутка, будзе класны. Сёння: дзіцячы садок — няма, школа — няма, паліклініка — няма, нармальны магазін — няма, дастатковы транспарт — няма».
Каментары
там гэта таннае першае жытло для маладых, а ў нас - "хочацца там жыць"