Хрэнін раскажа губернатарам і абласным камісарам, як правільна бараніць гарады і вёскі
Сёння пад кіраўніцтвам міністра абароны Віктара Хрэніна адбудзецца штогадовы збор «Ваенная бяспека і абарона дзяржавы». Удзельнікі збору — старшыні абласных і Мінскага гарвыканкама, ваенныя камісары абласцей і Мінска.
![](http://d3kcf2pe5t7rrb.cloudfront.net/img/w840d4webp1/photos/z_2023_05/000022_1684572832_567582_big-9re6v-29q7u.jpg.webp)
Мэта збору — павышэнне ўзроўню ведаў удзельнікаў у пытаннях сумесных дзеянняў войскаў у сучасных узброеных канфліктах, удасканаленне навыкаў у дзеяннях са зброяй, паведамляе Мінабароны ў сваім тэлеграм-канале.
У ходзе збору прадугледжана:
— давесці асноўныя тэндэнцыі развіцця ваенна-палітычнага становішча вакол Рэспублікі Беларусь;
— азнаёміць удзельнікаў з асноўнымі і перспектыўнымі сродкамі кіравання і разведкі, якія стаяць на ўзбраенні Узброеных сіл і тэрытарыяльных войскаў;
— навучыць службовых асоб парадку арганізацыі і вядзення абароны населеных пунктаў з апорай на падрыхтаваныя ўмацаваныя раёны, а таксама парадку кіравання сіламі тэрытарыяльнай абароны ў ходзе выканання задач па выяўленні, блакаванні і знішчэнні дыверсійных сіл праціўніка.
Каментары
Зачем военные пишут на заборах в/ч, что "любимую" не отдатут своему народу ???
Как не отдали гэбея и губопик в 2022 году, отдав её на растерзание лукашу и России....