Выключэнне атлетаў на падставе грамадзянства стала б «дыскрымінацыяй», лічыць Томас Бах.
Прэзідэнт Міжнароднага алімпійскага камітэта (МАК) Томас Бах падчас выступу ў сераду ў Эсэне выказаўся за стварэнне ўмоў для допуску да спаборніцтваў расійскіх і беларускіх атлетаў. Са слоў кіраўніка МАК, выключэнне расіян і беларусаў толькі на падставе грамадзянства стала б «дыскрымінацыяй», а Алімпійскія гульні «могуць спрыяць дыялогу ў напружаны час», піша Deutsche Welle.
На пачатку поўнамаштабнага ўварвання РФ ва Украіну МАК рэкамендаваў выключыць са спаборніцтваў Расію і Беларусь, аднак цяпер арганізацыя пад кіраўніцтвам Томаса Баха выступае за допуск атлетаў пад нейтральным сцягам на кваліфікацыйныя спаборніцтвы напярэдадні Алімпійскіх гульняў 2024 года ў Парыжы.
Па словах Баха, ён выступае супраць «палітычнага ўплыву на спорт», а таксама любых думак аб тым, што з расіянамі і беларусамі трэба абыходзіцца так, «быццам яны нясуць калектыўную віну». «Мы разумеем украінцаў і ўкраінскіх спартоўцаў, але, з іншага боку, будучы глабальнай арганізацыяй, мы нясём адказнасць за захаванне правоў чалавека і Алімпійскай хартыі, — заявіў Бах у Эсэне. — І тое, і другое забараняе поўную ізаляцыю людзей з адным пэўным пашпартам».
Раней МАК заяўляў, што не хоча дапускаць спартсменаў, якія «актыўна падтрымліваюць вайну», пакідаючы пры гэтым канчатковае рашэнне за спартыўнымі федэрацыямі. У сваім выступе Томас Бах удакладніў, што ў якасці актыўнай падтрымкі вайны Камітэт расцэньвае, у тым ліку, нашэнне спартоўцамі сімволікі з Z і допісы ў сацсетках.
Як жыве і чым займаецца Крысціна Моцная — меркаваная дачка Аляксандра Лукашэнкі24
Каментары