«Асвяжаюць навыкі ў працы з картамі». У Гомельскай вобласці праходзяць вучэнні, якія раней не анансаваліся
Як аказалася, вучэнні цяпер праходзіць і ў раёнах Гомельскай вобласці. Паводле афіцыйнай інфармацыі Міністэрства абароны РБ, вучэнні анансавалася на палігоне «Брэсцкі», а таксама участках мясцовасці ў Мінскай і Віцебскай абласцях. Аднак выданне «Флагшток» заўважыла, што яны адбываюцца і ў памежным з Украінай Лельчыцкім раёне Гомельшчыны.
![](http://d3kcf2pe5t7rrb.cloudfront.net/img/w840d4webp1/photos/z_2022_09/photo_2022-09-12_19-10-06-4b3cm.jpg.webp)
Як паведамляе газета райвыканкама, у рамках правядзення вучэнняў да іх прыцягваюцца Рада абароны і аператыўная група штаба раёна тэрытарыяльнай абароны.
«Атрымліваючы змены абстаноўкі і ўказанні з вышэйстаячага штаба, навучэнцы на практыцы адпрацоўваюць уменні ў прыняцці рашэнняў у напружаных умовах абстаноўкі, асвяжаюць навыкі ў працы з баявымі дакументамі і працоўнымі картамі», — напісаў вайсковы камісар раёна.
Каментары