Інтэрнэт і СМІ

«Яндэкс» заключыў дамову з Крамлём, якія навіны публікаваць у топе — расследаванне «Медузы»

У «Яндэкса» як мінімум з 2019 года існаваў «белы спіс» СМІ, чые матэрыялы маглі публікавацца на галоўнай старонцы «Яндекс.Новости». Яго зʼяўленню папярэднічалі шматгадовыя перамовы з адміністрацыяй прэзідэнта, піша  «Медуза» са спасылкай на крыніцы ў кампаніі.

Тое, як бачылі фотаздымкі з Бучы на «Яндексе» і ў Google

Былыя і цяперашнія супрацоўнікі «Яндэкса» пацвердзілі выданню наяўнасць «белага спісу» і заявілі, што ён быў уведзены па ўзгадненні з Крамлём. Па даных «Медузы», упершыню прадстаўнікі адміністрацыі прэзідэнта прыйшлі ў кампанію ў 2008 годзе, неўзабаве пасля вайны ў Грузіі. Леў Гершэнзон, які ўзначальваў тады «Яндэкс.Навіны» сцвярджае, што яму ўдалося «адбоўтацца і аджартавацца» на сустрэчы з намеснікам кіраўніка АП Уладзіславам Сурковым і намеснікам начальніка ўпраўлення ўнутранай палітыкі Канстанцінам Косціным, які прасіў даць доступ да сэрвісу «на выпадак вайны».

Але з АП вярнуліся ў 2014 годзе. «Людзі з АП настойвалі, каб мы выбіралі для загалоўкаў максімум тры-пяць ухваленых імі крыніц. У выніку дамовіліся аб 15 пазіцыях: узялі топ-50 самых цытаваных СМІ і з іх узгаднілі паўтара дзясятка. Прычым частка з іх не была ў першай дваццатцы, але падабалася АП», — распавёў супрацоўнік «Яндэкса», які ўдзельнічаў у складанні спісу, адзначыўшы, што перамовы ішлі некалькі гадоў, а складзены па выніках спіс дамовіліся ўключыць «па неабходнасці».

Патрабаванні Крамля зноў уключалі «кнопку доступу» да галоўнай старонкі, аднак, па словах суразмоўцаў «Медузы», ад гэтага ўдалося адмовіцца.

У 2016 годзе кіраўніцтва «Яндэкса» паведаміла супрацоўнікам, што больш не можа адбівацца ад патрабаванняў Крамля.

На галоўнай старонцы маглі зʼяўляцца матэрыялы толькі з 15 выданняў, сярод якіх РИА Новости, ТАСС, «Интерфакс», «Российская газета», «Коммерсант», «Ведомости«, РБК, Газета.ру, RT і «Лента».

Яшчэ адзін суразмоўца назваў Regnum, «Независимую газету» і «Взгляд». У Крамлі лічылі нелаяльным РБК, але іх удалося дадаць у спіс.

Узгадніць уключэнне туды «Новай газеты» і «Эха Москвы» не атрымалася.

Афіцыйна ў кампаніі заявілі, што топ навін фармуецца «цалкам аўтаматычна з дапамогай алгарытму» толькі з афіцыйна зарэгістраваных СМІ.

У канцы красавіка «Яндэкс» абвясціў аб продажы «Новостей» і платформы «Дзэн» карпарацыі VK. «Мы стаміліся змагацца з уладамі і хацелі пазбавіцца ад таксічных актываў», — распавёў пра рашэнне адзін з мэнэджараў «Яндэкса».

«Нашу Ніву», як і іншыя незалежныя беларускія СМІ, «Яндэкс» выдаліў з выдачы пасля пачатку вайны. 

Больш падрабязна чытайце на «Медузе».

Каментары

Што адбываецца ў Палку Каліноўскага і чаму байцы кажуць пра яго магчымае знікненне?6

Што адбываецца ў Палку Каліноўскага і чаму байцы кажуць пра яго магчымае знікненне?

Усе навіны →
Усе навіны

Польшча і Беларусь вядуць перамовы аб вызваленні Пачобута. Як не будзе выніку — закрыюць межы — Radio ZET24

Забарону рухавікоў унутранага згарання ў ЕС назвалі незаконнай2

З чацвярга на стадыёне «Дынама» зноў пачнуць паказваць кіно пад адкрытым небам

Сілавікі ціснуць на бацькоў вядоўцаў тыкток-канала «Люстэрка»21

У Беларусі прадаюць Mercedes-Benz W124 за 12 000 даляраў. Чаму 32-гадовае аўто такое дарагое?3

Былая палітзняволеная: Мая сям'я патраціла за два гады $10 тысяч на адвакатаў і перадачы для мяне1

«Калі б мне плацілі — сядзела б і чытала людзям кнігі, нават за малыя грошы». Інтэрв’ю з актрысай Зояй Белахвосцік2

У возеры Свіцязь забаранілі купацца. У чым прычына?1

Mercedes урэзаўся ў Fiat, а пасля збіў двух чалавек

больш чытаных навін
больш лайканых навін

Што адбываецца ў Палку Каліноўскага і чаму байцы кажуць пра яго магчымае знікненне?6

Што адбываецца ў Палку Каліноўскага і чаму байцы кажуць пра яго магчымае знікненне?

Галоўнае
Усе навіны →