Лукашэнка ў парламенце: У самалёце знаходзіўся тэрарыст, і пра гэта ведалі далёка за межамі Беларусі
Лукашэнка сёння выступае перад парламентарыямі, членамі Канстытуцыйнай камісіі і прадстаўнікамі органаў дзяржаўнага кіравання.
Вось асноўныя цытаты.
«Як мы і прагназавалі, нашы нядобразычліўцы звонку, ды і ўнутры краіны, змянілі метады атакі на дзяржаву. Яны пераступілі мноства чырвоных ліній, перайшлі межы здаровага сэнсу і чалавечай маралі». Нядобразычліўцы перайшлі ад арганізацыі бунтаў да этапу задушвання.
Прыняўшы самыя жорсткія меры, беларуская дзяржава ў зародку падавіла хвалю неанацызму. «Нашы дзеянні маглі падацца празмернымі тым, хто апраўдвае іх злачынствы. Але гэтая стратэгія жыццёва важная для краіны», — падкрэсліў ён.
«На працягу 2020 года на Беларусь аказваўся беспрэцэдэнтны ціск. Ніводная краіна ў свеце не сутыкалася з такім шматпланавым, шматузроўневым тэрорам, — заявіў ён. — Чаму абрынуліся на Беларусь? Бо не зрабіла, як усе, не прагнулася і не паддалася статкаваму інстынкту, дзейнічала ў першую чаргу ў інтарэсах людзей, а не чыіх-то глабальных фінансавых амбіцый».
Пракаментаваў Лукашэнка сітуацыю з самалётам Ryanair Афіны — Вільня, які сеў у Мінску.
Паведамленне пра мініраванне самалёта паступіла са Швейцарыі [электронная пошта, з якой нібыта прыйшло паведамленне сапраўды зарэгістравана ў Швейцарыі — НН], «самалёт развярнулі каля БелАЭС. А калі б раптам сістэмы бяспекі АЭС былі пераведзеныя ў рэжым поўнай баявой гатоўнасці?» — спытаў Лукашэнка.
«Была бомба ці не, але калі б мне далажылі аб тым, што ў самалёце тэрарыст, я б неадкладна аддаў загад пасадзіць самалёт».
«Хай заходнія абаронцы адкажуць: на якія спецслужбы працавалі двое затрыманых? Хто плаціў падонку, які забіваў людзей у брацкай Украіне?»
«У самалёце знаходзіўся тэрарыст і пра гэта ведалі далёка за межамі Беларусі».
Ён дадаў, што «дзейнічаў законна, абараняючы людзей, па ўсіх міжнародных правілах». «Тры чалавекі выйшлі з самалёта ў Мінску, каб не вяртацца з Вільні, аднак з іх зрабілі фэйкавых супрацоўнікаў КДБ».
«Напісаныя пад капірку абвінавачванні заходніх краін і абмежаванні на палёты пасыпаліся адразу — не паспеў авіялайнер сесці ў Мінску. Занадта ўжо хутка «зрэагавалі». Гэта, хутчэй за ўсё, спланаваная правакацыя», — сказаў Лукашэнка
***
Таксама выступаючы ў парламенце, Лукашэнка сказаў, што рэферэндум па новай Канстытуцыі пройдзе на самым высокім узроўні — дэмакратычна і адкрыта.
Вялікая гутарка з Алінай Коўшык — пра інтэрв’ю з Падсасонным, скандал з Кулеем і рэформы на «Белсаце»17
Каментары