У Мінску з вялікай зніжкай выстаўлены на продаж пасажырскі цеплаход «Новы Нясвіж», адпаведная аб'ява з’явілася на адной з аўкцыённых пляцовак краіны.
У склад лота ўваходзяць сам цеплаход 1954 года выпуску для перавозкі пасажыраў, а таксама два прычальныя пантоны 1967 і 1976 гадоў выпуску, піша «Віртуальны Брэст».
Судна знаходзіцца ў Мінску на Камсамольскім возеры ў музейна-паркавым комплексе «Перамога».
Працаздольнасць вузлоў і агрэгатаў не правяралася. Таму пры дыягностыцы прадмета лота могуць быць выяўлены схаваныя дэфекты.
Цеплаход быў пабудаваны на Бабруйскім суднарамонтным заводзе, матэрыял корпуса — сталь. Даўжыня карабля складае 18,66 метра, шырыня — 4,48 метра, грузападымальнасць — 21 тона, пасажыраўмяшчальнасць — 35 чалавек.
Да нядаўняга часу судна курсіравала ўздоўж берагоў ракі Свіслач у Мінску ад маляўнічага парку Перамогі да Лошыцы.
Улетку гэтага года цеплаход ужо спрабавалі прадаць на таргах за 195 тысяч рублёў, але безвынікова. Цяпер лот выстаўлены на продаж са зніжкай 70% — судна можа набыць любы жадаючы за 58,5 тысячы рублёў.
Заяўкі ад патэнцыяльных пакупнікоў будуць прымаць да 9 студзеня, сам аўкцыён адбудзецца 10 студзеня.
Пяць былых сілавікоў прасілі сваіх калег не быць залішне жорсткімі. Цяпер ім пагражаюць велізарныя тэрміны6
Каментары
ВЫ ЖАРТУЕЦЕ?! Як гэтае судна пройдзе з Камсы да Лошыцы?