Рада па бяспецы на транспарце Нідэрландаў апублікуе канчатковы даклад аб прычынах гібелі малайзійскага «Боінга» над усходам Украіны 13 кастрычніка.
Перад гэтым сваякі пасажыраў і экіпажа рэйса MH17 будуць праінфармаваныя пра змест даклада ў ходзе закрытай сустрэчы.
«Боінг-777» Malaysia Airlines, які выконваў рэйс МН17 з Амстэрдама ў Куала-Лумпур, 17 ліпеня 2014 г. быў збіты над тэрыторыяй усходу Украіны, якая знаходзілася пад кантролем прарасійскіх узброеных фарміраванняў; загінулі ўсе 298 чалавек, якія знаходзіліся на борце.
Расследаванне паралельна вядуць дзве групы. Высвятленнем прычын катастрофы займаецца Рада па бяспецы на транспарце Нідэрландаў. Крымінальная расследаванне вядзе міжнародная следчая група, у склад якой уваходзяць эксперты з Аўстраліі, Бельгіі, Галандыі, Малайзіі і Украіны.
У выпушчаным у чацвер прэс-рэлізе Рады па бяспецы на транспарце Нідэрландаў гаворыцца, што пра тое, дзе і як менавіта 13 кастрычніка адбудзецца знаёмства журналістаў і шырокай публікі з дакладам аб гібелі рэйса MH17, будзе абвешчана дадаткова.
Адразу ж пасля катастрофы з'явілася версія пра тое, што рэйс МН17 быў збіты пры дапамозе зенітна-ракетнай сістэмы «Бук», якая прыбыла з Расіі.
Масква адмаўляе сваю датычнасць да гэтай трагедыі, высоўваючы розныя версіі аб віне ўкраінскіх вайскоўцаў.
Каментары